Выбіраем Птушку 2020 года разам!   right_line


На ХХIІ З’ездзе АПБ 9 лютага пройдуць выбары Птушкі 2020 года. Будзе тры кандыдаты, аднаго з якіх вызначыць Інтэрнэт-галасаванне.
Далучайся да галасавання! Якая беларуская птушка мусіць стаць сімвалам 2020 года? Абяры “кандыдата” з прапанаваных або вылучы свайго.
 

Кандыдаты на птушку 2020 года для Інтэрнэт-галасавання

 
Глушэц (Глухарь) - малалікі аседлы від. Паляўнічы від. Насяляе рэдка наведваныя чалавекам старыя лясы. Дзе няма старых лясоў – няма і глушца. Адна з праблем для яго выжывання – высечкі лесу на месцах такавання, паляванне на токах на апошніх самцоў, дзе на паперах лічыцца, што іх яшчэ шмат.
 
 
Курапатка шэрая (Серая куропатка) - звычайны аседлы від. Паляўнічы від. Птушаняты масава гінуць ад дажджоў, калі яны яшчэ малыя. У шматснежныя зімы курапаткам не хапае корму. А сабакі, якіх выгульваюць без павадкоў на месцах гнездавання курапатак у населеных пунктах і побач з імі, знішчаюць кладкі і птушанятаў.
 
 
Валасяніца шэрая (Серая мухоловка) - звычайная пералётная птушка. Насяляе звычайна лясы. Селіцца і ў населеных пунктах. Птушкі харчуюцца лятучымі насякомымі. Чалавек можа дапамагчы гэтаму віду, вырабляючы адмысловыя паўадкрытыя домікі для гнездавання.
 
 
Стрынатка-чаротаўка (Тростниковая овсянка) - звычайны від. Сустракаецца ў Беларусі круглы год, але зімой убачыць складаней. Жыве ў зарасцях па берагах вадаёмаў, каналаў, а таксама на асаковых балотах і паплавах. Праблемы для віду – вясновыя палы сухой травы, асабліва зарасцяў трыснягу, а таксама выкошванне ўвесну расліннасці па краях каналаў і вадаёмаў, дзе і месцяцца гнёзды.
 
Галасаванне працягнецца да 7 лютага

введите минимум 3 символа из русского, белорусского или латинского названия вида
* — Увага! Свой варыянт можа ўключаць любы беларускі від за выключэннем наступных відаў: белы бусел, белая пліска, авяльга, дамавы верабей, гарадская ластаўка, барадатая кугакаўка, кнігаўка, звычайны салавей, вялікая белая чапля, шэрая гусь, сокал-пустальга, вялікі кулён, чорны свіргуль, удод, звычайная зязюля, вушатая сава, жаўрук-смяцюх, шчыгел, вялікі арлец. Гэтыя птушкі былі птушкамі года.
 

Сообщить об опечатке

Текст, который будет отправлен нашим редакторам: