In English, please
Знайшлі памылку ў тэксце?
Вылучыце яе з дапамогай мышкі і націсніце
Птушкі Беларусі

беларускія, рускія, лацінскія назвы

Сямейства: Сяўцовыя

Від: Крэчатка

Клікніце, каб павялічыць!
© М. Кошкін Аўтар: © М. Кошкін

Крэчатка

Лацінская назва: Vanellus gregarius
Ангельская назва: Sociable lapwing
Руская назва: Кречетка

Голас можна праслухаць тут:

Апісанне

Палева-глiнiстага колеру з цёмным верхам галавы, цёмнай плямай на сподзе цела i цёмнымi канцамi крылаў. Хвост белы з чорнай паласой на канцы (параўн. з 193). Над вокам доўгае, белае брыво. Маладыя з больш аднароднай афарбоўкай. Голас: скрыпучае «кры-кры». Даўжыня цела 27-33 см, размах крылаў 63-76 см.

Падвiды: не мае.

Бiятоп: сухiя стэпы.

Гняздо: у ямцы, скупа высланай сухой травой (часам без высцiлкi) паблiзу сухiх бадылёў. D = 9-13 см, H = 5-6 см.

Яйкi: 4 (3-5), грушападобныя, жоўта-, алiўкава- або глiнiста-карычневыя з чорна-бурымi плямамi, асабліва на шырокiм канцы, некалькі шэрых штрыхоў. Памеры: 49,5 х 34,5 мм (42,0-50,0 х 31,5-36,0 мм).

Арэал: ад нiжняга цячэння Волгі да ўсх. Казахстана.

Пералёты: пералётная (III) ІV-V, VIII-X. Залятае ў Еўропу (Вялікабрытанію, Ірландыю, Італію, Францыю, Германiю, Бельгію, Галандыю, Данiю, Швецыю, Фінляндыю, Польшчу, Чэхію, Славакію, Венгрыю, Аўстрыю, Швейцарыю, Іспанію, Партугалію, Грэцыю, б. Югаславію, Балгарыю, Румынію, на Кіпр, Мальту, Канарскія а-вы.

Месца зiмовак: паўд.-зах. Азiя, Месапатамія i паўн.-ўсх. Афрыка (р.Ніл).

Беларусь: вельмі рэдкі, выпадкова залётны від.

Падобныя віды

Хрустан; Кнігаўка;