In English, please
Знайшлі памылку ў тэксце?
Вылучыце яе з дапамогай мышкі і націсніце
Птушкі Беларусі

беларускія, рускія, лацінскія назвы

Сямейства: Чаплевыя

Від: Чапля шэрая

Клікніце, каб павялічыць!
© Т. Раманава Аўтар: © Т. Раманава © Дз. Якубовіч Аўтар: © Дз. Якубовіч © Дз. Якубовіч Аўтар: © Дз. Якубовіч © Дз. Якубовіч Аўтар: © Дз. Якубовіч

Больш фотаздымкаў гэтага віда глядзіце тут

Чапля шэрая

Лацінская назва: Ardea cinerea
Ангельская назва: Grey heron
Руская назва: Цапля серая

Голас можна праслухаць тут:

Апісанне

Папяліста-шэрая, з цёмнымі махавымі і чорным брывом. У гнездавы перыяд з’яўляюцца ўпрыгожваючыя пёры на галаве і грудзях. У палёце светлая з белымі згібамі крылаў (параўн. з 40). Маладыя больш цёмныя і менш кантрастныя. Голас: у палёце і каля гнязда гучнае, хрыплае «кррянк, грак, краўу» (асабліва каля гнязда), а таксама разнастайныя хрыплыя гукі. Даўжыня цела 90-105 см, размах крылаў 155-195 см. Самка крыху меншая за самца.

Падвiды: у Еўропе толькi А. с. сinerea - Еўропа, Азiя (акрамя Пн), Паўн. Амерыка. Акрамя таго, вылучаецца яшчэ 3 падвiды.

Бiятоп: берагi разнастайных вадаёмаў, у т.л. рэк, марскіх заток, лагун і дэльт. Узімку таксама лугі і палі. Гнездавы біятоп — старыя дрэвастоі паблізу вялікіх вадаёмаў, рэк, часам прыбярэжныя кусты або зараснікі трыснягу (на зямлі), парослыя дрэвамі астравы.

Гняздо: у калонii (часта з iншымi чаплевымі або з бакланамi), у кронах высокiх дрэў, на кустах або на зямлі ў трыснягу. Аснова з галiн у форме няшчыльна складзенага стажка; унутраная частка — галiнкi, трава, а таксама водная раслiннасць (часта з прымессю шэрсцi, пер'я i каранёў). D = 50-110 см.

Яйкi: 3-7, з аднолькава завостранымi канцамi, бледна-блакiтнаватыя з зеленаватым адценнем, часта з мазкамi вапны. Памеры: 66 х 44 мм (55-73 х 39-47 мм).

Арэал: разарваны. Еўропа i Азiя без паўн. часткі, лакальна ў Афрыцы i на Мадагаскары. Пералёты: (II) III-IV, VII-XI. Паўднёвыя папуляцыi аселыя.

Месца зiмовак: паўд.-зах. Еўропа, паўд. i ўсх. Азiя (таксама Японія), Афрыка.

Беларусь: звычайны на гнездаванні пералётны від, транзітны мігрант, зрэдку застаецца на зімоўку.

Падобныя віды

Чапля чырвоная;