Водна-балотны цэнтр АПБ   

Унітарнае прадпрыемства «Водна-балотны цэнтр АПБ» — гэта камерцыйная галіна грамадскай арганізацыі «Ахова птушак Бацькаўшчыны» (АПБ).

Мэта арганізацыі — папулярызуючы птушак і дзікую прыроду Беларусі, зарабляць сродкі на прыродаахоўную дзейнасць.

Водна-балотны цэнтр АПБ аказвае паслугі ў сферы арніталогіі і прыродаахоўнай дзейнасці:

• арганізоўвае адукацыйныя курсы, лекцыі і экскурсіі па вывучэнні і назіранні за птушкамі;
• арганізоўвае карпаратыўныя мерапрыемствы ў офісе і на прыродзе з ухілам у тэму дзікай прыроды і назіранні за птушкамі;
• арганізоўвае індывідуальныя і групавыя туры па назіранні за птушкамі і дзікай прыродай (бёрдвочынгавыя туры);
• прапануе кансультацыйныя паслугі ў сферы арніталогіі і прыродаахоўнай дзейнасці;
• рэалізуе тэматычную прадукцыю.

Прыбытак ад дзейнасці арганізацыі накіроўваецца на падтрыманне і развіццё дзейнасці АПБ па захаванні біяразнастайнасці ў Беларусі.