Вялікія арляцы вярнуліся ў Беларусь!

Апошнія навіны,Навіна арганізацыі ад 14 красавіка 2018 года

Усе вялікія арляцы ўжо вярнуліся з зімоўкі ў Беларусь, невядома толькі, дзе Паляшук. Ён зімаваў у Афрыцы, і пакуль сувязі з ім няма. Будзем спадзявацца, што ён паспяхова даляціць да свайго гнязда.

Нагадаем, што восем арляцоў былі пазначаня спадарожнікавымі датчыкамі, і кожны мог сачыць на адмысловай карце за  міграцыяй і зімоўкай гэтых рэдкіх птушак у Афрыцы і на Балканах.

Цяпер вялікія арляцы зоймуцца вясновым клопатам: будуць чыніць або будаваць новыя гнёзды, хтосьці – шукаць сабе пару, а затым будуць выседжваць яйкі і клапаціцца пра птушанят.

І ты таксама можаш пра іх паклапаціцца, калі далучышся да акцыі “Выратуй арляня!”

Каб птушак не турбавалі на гнёздах, гэтыя ўчасткі лесу трэба ўзяць пад ахову. Нават адно захаванае гняздо – гэта вялікі поспех!

Для таго, каб мы маглі зладзіць патрэбныя экспедыцыі і аформіць дакументы для аховы гнездавых участкаў, ты можаш ахвяраваць грошы зручным для цябе спосабам:

• сістэма ЕРИП,
• смс-паведамленне (для абанентаў МТС),
• банкаўскі перавод.

Ахвяраваць можна любую суму! Падрабязней пра тое, як гэта зрабіць.

Мы прадугледзелі цікавыя бонусы для ўдзельнікаў акцыі. Хтосьці зможа нават адправіцца ў экспедыцыю разам са спецыялістамі і пабачыць вялікага арляца на свае вочы.

А яшчэ можна атрымаць сертыфікат “Ратавальніка арлянятаў” для сябе ці свайго сябра.

Падрабязней пра акцыю “Выратуй арляня” чытай тут. Далучайся, твая дапамога патрэбная арлам!