Таямніцы балот і птушынага сексу – у 32-м нумары часопіса “Птушкі і мы”

Апошнія навіны,Навіна арганізацыі ад 19 ліпеня 2018 года

Выйшаў 32-гі тоўсценькі нумар часопіса АПБ «Птушкі і мы»: 32 старонкі з цікавымі аглядамі, гутаркамі і інфаграфікай, а яшчэ – яркі плакат з жураўлямі!

Разгортвай часопіс – і выпраўляйся на прагулку па беларускіх балотах. Ты пабываеш на старажытным балоце Мох і на Ельні, пазнаёмішся з іх раслінамі, матылькамі і іншымі жыхарамі.

Ты асцярожна падглядзіш за пужлівымі жураўлямі і даведаешся шмат пра іх таямнічае жыццё на дзікіх балотах.

На 18-й старонцы цябе чакае “пікантнае”, але ж сур’ёзнае навуковае даследаванне пра  інтымныя стасункі птушак.

Напрыканцы ты, пакінуўшы беларускую дрыгву, пераляціш на Барнэа і палюбуешся на малайскага мядзведзя, мангравых малпаў-насачоў ды арангутанаў.

Часопіс ужо ляціць сябрам арганізацыі, якія аплацілі сяброўскі ўнёсак. Хочаш таксама атрымаць свежы нумар «Птушкі і мы»? Далучайся да АПБ або проста працягні сваё сяброўства на 2018 год!

Як стаць сябрам АПБ 

Разам для птушак і людзей!