Соваў многа не бывае: раздаем падарункі!

Апошнія навіны,Навіна арганізацыі ад 23 жніўня 2018 года

Любіш соваў? Тады табе спадабаецца новы плакат ад АПБ. Усім новым сябрам, якія далучацца да нас у жніўні, ён дастанецца ў падарунак.

Калі ты ўжо ў АПБ, то таксама можаш атрымаць гэты плакат. Прывядзі да нас новага сябра – і вы абодва атрымаеце яго ў падарунак.

Намаляваў такіх чароўных кугакавак, сычоў ды іншых соваў выдатны ўкраінскі мастак Ігар Зямлянскіх. Упрыгож сваё памяшканне 11 відамі гэтых драпежных птушак!

Далучайся да АПБ ці прыводзь да нас новых сяброў, і ўсе яны хутка “прылятуць” да цябе.

Каб далучыцца да нас, трэба проста запоўніць анкету і аплаціць сяброўскі ўнёсак.  

Плакат створаны ў межах праекта міжнароднай тэхнічнай дапамогі “Прафілактыка неінфекцыйных захворванняў, прасоўванне здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь” (“БЕЛМЕД”), які фінансуецца Еўрапейскім Саюзам і рэалізуецца ПРААН, СААЗ, ЮНІСЕФ і ЮНФПА у парнёрстве з Міністэрствам аховы здароўя Рэспублікі Беларусь.

Разам для птушак і людзей!