EuroBirdwatch-2018: выпраўляем птушак на зімоўку ўсёй Еўропай

Абвестка,Апошнія навіны,Навіна арганізацыі ад 1 кастрычніка 2018 года

У першыя выходныя кастрычніка ўся Еўропа выйдзе назіраць за птушкамі. Колькі птушак налічаць беларусы падчас EuroBirdwatch-2018?

Восеньскія дні назіранняў за птушкамі, або EuroBirdwatch, — гэта штогадовая пан’еўрапейская акцыя, якая пройдзе ўжо ў 25-ты раз. АПБ — нацыянальны каардынатар акцыі. Пералётныя птушкі адпраўляюцца ў небяспечны шлях на зімоўку, і людзі ў розных краінах назіраюць за імі і вядуць іх падлік на працягу двух дзён.

Падчас міграцыі можна сустрэць рэдкія віды птушак. Напрыклад, паморнікаў з тундры — марскіх качак, якія ў нас сустракаюцца ў асноўным толькі на пралёце.

Дзе паназіраць за птушкамі ў Беларусі?

Летась больш за 2200 удзельнікаў з Беларусі налічылі 29000 птушак — наша краіна стала трэцяй па колькасці ўдзельнікаў.

Такая актыўнасць цешыць, бо акцыя праводзіцца, каб прыцягнуць увагу людзей да небяспек пералёту і праблемаў зімоўкі птушак.

Што трэба для ўдзелу? 6 і 7 кастрычніка вазьмі бінокль або падзорную трубу, выйдзі ў парк, лес або да вадаёма. Паспрабуй вызначыць і падлічыць птушак, якія сустрэнуцца, нават калі гэта вераб’і, вароны, гракі або шпакі.

СПАМПУЙ ДАПАМОЖНЫ БУКЛЕТ З ВЫЯВАМІ ПТУШАК

Паведамі пра свае назіранні (віды і колькасць асобін кожнага, месца, а таксама колькасць чалавек, калі назіранне вялося ў групе) да 16.00 7 кастрычніка праз анлайн-форму на сайце (зробіцца даступная 6 кастрычніка). Уся інфармацыя перадаецца міжнароднаму каардынатару акцыі.

А яшчэ можна далучыцца да назіранняў за птушкамі, якія АПБ ладзіць 6 і 7 кастрычніка ў Мінску, Гродне, Гомелі, Брэсце (чэмпіянат па фотабёрдынгу), Віцебску, Барысаве, Мядзелі, Верхнядзвінску, Тураве, Слуцку і Чавусах.

Анонс мерапрыемстваў Восеньскіх дзён назіранняў за птушкамі — 2018