Як уратаваць супергрызуноў? Запрашаем на прэс-канферэнцыю 12 чэрвеня

Апошнія навіны,Навіна арганізацыі ад 7 чэрвеня 2019 года

Прэс-канферэнцыя прысвечаная экалагічнай ініцыятыве “Хамяк, суслік і палятуха: выратаваць супергрызуноў!” праекта “Экаманіторынг”, які фінансуецца Еўрапейскім Саюзам і рэалізуецца ПРААН у партнёрстве з Мінпрыроды. Запрашаем прадстаўнікоў медыя!

Падчас прэс-канферэнцыі спецыялісты раскажуць, чаму тры віды звяроў – звычайны хамяк, рабы суслік і палятуха апынуліся на мяжы знікнення ў Беларусі і амаль трапілі ў спіс зніклых, раскажуць пра цяперашнюю сітуацыю, пра мэты праекта, патлумачаць, як ён зможа дапамагчы гэтым супергрызунам, якія сучасныя прыборы і як дапамогуць у пошуку скрытных звяркоў, назавуць раёны, у якіх іх спадзяюцца знайсці, і як выратаванню звяркоў могуць дапамагчы людзі.

Месца: актавая зала НАН Беларусі, Мінск, вул. Акадэмічная, 27, аўд. 331 

• 10.30 – 11.00 – рэгістрацыя, кава
• 11.00 – 11.30 – выступы спікераў
• 11.30 – 12.30 – пытанні да спікераў, інтэрв’ю са спікерамі

Спікеры:

• Пётр Сачак, каардынатар ініцыятываў праекта “Экаманіторынг”, які фінансуецца Еўрапейскім Саюзам і рэалізуецца ПРААН у партнёрстве з Мінпрыроды.
• Аляксандр Вінчэўскі, дырэктар АПБ
• Сямён Левы, спецыяліст АПБ па прыродаахоўных пытаннях
• Дзяніс Кіцель, заолаг, удзельнік экспедыцый па пошуку палятухі, эксперт ініцыятывы
• Рыгор Янута, тэрыёлаг, кандыдат біялагічных навук, старшы навуковы супрацоўнік НПЦ па біярэсурсах НАН Беларусі, эксперт ініцыятывы

Папярэдняя акрэдытацыя праз е-мэйл basharymava@ptushki.org ці па тэлефонах 8 (029) 101-68-87, 8 (029) 223-06-13.