Тураўскае балонне кліча валанцёраў!

Абвестка,Апошнія навіны,Навіна арганізацыі ад 5 кастрычніка 2019 года

18-20 кастрычніка АПБ ладзіць палявы летнік на Тураўскім балонні. Хочаш дапамагчы дзікай прыродзе Беларусі сваімі рукамі? Далучайся!

Валанцёры ў кастрычніку на Тураўскім балонні. Фота Марыны Серабраковай

Што будзем рабіць?

• Адрамантуем вышку для назіранняў за птушкамі.
• Збярэм смецце на тэрыторыі Тураўскага балоння.
• Ачысцім ад хмызняку заходнюю частку заказніка “Тураўскае балонне”

Таксама ў праграме: экскурсія, адлоў і кальцаванне птушак (па надвор’і).

Арганізацыйныя пытанні

• Харчаванне забяспечвае арганізатар. Пра асаблівасці ў харчаванні загадзя паведаміце ў анкеце-заяўцы.
• Пражыванне – на аграсядзібе.
• Праезд з Мінска і назад мікрааўтобусам арганізатара, але можна і сваім транспартам.
• Асноўныя расходы нясе арганізатар, але магчымыя невялікія траты.

Што ўзяць з сабой?

• Посуд — (кубак, лыжка, міска, нож)
• Працоўная вопратка (магчымы моцны вецер і дождж)
• Абутак – найлепш гумовыя боты  (дастаткова кароткіх), але можна і трэкавыя чаравікі.

Ты з намі? Тады запаўняй анкету-заяўку і пакуй рэчы 🙂

Дапаможам разам Тураўскаму балонню і падрыхтуем яго да прылёту птушак у наступным годзе!

Тэкст: Алеся Башарымава

Падтрымаць фінансава захаванне кулікоў на Тураўскім балонні