Атрымай арліны дзякуй!

ад 29 кастрычніка 2019 года

“Выратуй арляня!” – акцыя, якая дазваляе кожнаму спрычыніцца да захавання рэкага вялікага арляца, якому пагражае глабальнае знікненне. Сертыфікаты з падзякай, кубкі з птушкай года і вызначальнікі птушак адправіліся ратавальнікам арлянятаў. Усяго акцыю ўжо падтрымала звыш 50 чалавек.

У Беларусі гняздуецца адна з найбольшых папуляцый вялікага арляца ў свеце, і нам важна яе захаваць і не даць знікнуць месцам іх пражывання.

У межах акцыі “Выратуй арляня!” мы штогод шукаем гнёзды вялікага арляца, каб перадаць іх пад ахову. За 5 гадоў акцыі мы правялі больш за 30 экспедыцый, праверылі 123 гнездавыя тэрыторыі і падрыхтавалі 20 ахоўных пашпартоў, а таксама пабудавалі 7 штучных гнёздаў для гэтых птушак.

Выратуй арляня

 

Сямён Левы, спецыяліст па прыродаахоўных пытаннях АПБ
Дзякуючы падтрымцы акцыі у 2019 годзе ўдалося ўпершыню за ўвесь час назіранняў знайсці жылыя гнёзды вялікага арляца на тэрыторыі, важнай для птушак «Пойма Львы», новае месца гнездавання адной з двух пар на ТВП “Волхва” і яшчэ адно гняздо на ТВП «Сярэдняя Прыпяць». Таксама мы змаглі вызначыць участкі для пошуку раней не вядомых гнёздаў вялікіх арляцоў у Вілейскім, Светлагорскім і Івацэвіцкім раёнах.

 

Удзел у акцыі «Выратуй арляня!» — выдатны падарунак дзікай прыродзе. Дарэчы, сертыфікат “Ратавальніка арлянятаў” або “пуцёўка” ў экспедыцыю па пошуку вялікіх арляцоў можа быць цікавым і незабыўным падарункам сябрам ці блізкім на дзень нараджэння ці іншыя святы! Гэта тое, што сапраўды запомніцца і парадуе.

Увага: на акцыю «Выратуй арляня!» ідуць толькі ахвяраванні, аплачаныя праз сістэму АРІП (ЕРИП). Калі ты хочаш ахвяраваць у цэлым на ахову дзікай прыроды, то можаш зрабіць ахвяраванне картай адразу з сайта праз адмысловы модуль.

Як зрабіць ахвяраванне

Арляняты будуць удзячныя за падтрымку!

  • 25 рублёў – за такое ахвяраванне ты атрымаеш сертыфікат “Ратавальніка арлянятаў”.
  • 50 рублёў – за такое ахвяраванне ты атрымаеш кубак з вялікім арляцом.
  • 100 рублёў – за такое ахвяраванне ты атрымаеш кнігу – вызначальнік птушак.
  • 200 рублёў — за такое ахвяраванне мы запросім цябе ў сапраўдную экспедыцыю*, дзе разам са спецыялістамі ты будзеш шукаць арліныя гнёзды ў забалочанных лясах Беларусі і зможаш пабачыць вялікіх арляцоў на свае вочы!

Важна: калі ты хочаш зрабіць ахвяраванне, але пры гэтым табе не патрэбныя пералічаныя бонусы, напішы пра гэта на info@ptushki.org 

*Расходы па ўдзеле ў экспедыцыю аплачваюцца ўдзельнікам самастойна.

Сачы за міграцыяй вялікіх арляцоў анлайн!

 

Мне не ўсё адно!

Раскажы сябрам пра арляцоў і папрасі іх далучыцца да акцыі. Чым больш людзей адгукнецца – тым болей у віда шанцаў выжыць у нашай краіне.

Пішы нам на  info@ptushki.org і дзяліся, чаму і як ты вырашыў дапавагаць арляцам. Магчыма, твой аповед падштурхне іншых звярнуць увагу на праблемы гэтых птушак.

Пазначай свае пасты ў сацсетках хэштэгам #выратуйарляня або #спасиорленка . Так мы ўсе будзем бачыць маштабы акцыі і тых, хто нам дапамагае.

Захаваем разам нашых арлоў!

Спаси орлёнка



Падзяліся артыкулам у сацсетках:


Сообщить об опечатке

Текст, который будет отправлен нашим редакторам: