Далучайся да фотаконкурса «Магія дзікіх птушак»! Выстава — з 6 снежня

Абвестка,Апошнія навіны,Навіна арганізацыі ад 6 лістапада 2019 года

Любіш фатаграфаваць птушак? Удзельнічай у конкурсе ад АПБ «Магія дзікіх птушак»!
З 5  па 13 лістапада рэгіструйся на сайце Птушкі штодня і загружай свае здымкі птушак у  раздзел галерэі “Нашы птушкi”. У конкурсе аўтаматычна бяруць удзел фотаработы, загружаныя сёлета.
 

Малінаўка. Фота Сяргея Козака

Патрабаванні

• Гатоўнасць даслаць ці перадаць файлы з высокім разрозненнем (не менш за 5760х3840 пікселяў) для атрымання арыгінальнага выставачнага адбітку памерам 30 см па меншым баку.
• Фотаздымкі не павінныя ўтрымліваць рамак, палёў і надпісаў.
• Усе птушкі мусяць быць сфатаграфаваныя ў дзікай прыродзе ў Беларусі.

16 лістапада журы адбярэ фота для выставы, а 6 снежня яны будуць прадстаўленыя на фотовыставе  ў Музеі прыроды і экалогіі (Мінск, вул. Карла Маркса, 12).

Выстава будзе праходзіць да пачатку лютага.

Тэкст: Ксенія Малюкова