Выйшла відэа вялікай лекцыі доктара Роба Філда пра змены клімату

ад 24 лютага 2020 года

Лекцыя доктара Роба Філда «Разборкі з кліматам. Будзе горача?«, якую АПБ зладзіла 7 лютага ў Мінску, цяпер дасяжная ў відэафармаце. У запісе можна паглядзець як прэзентацыю, так і адказы эксперта на пытанні з залы.

Лекция про климат Роб Филд

Доктар Роб Філд

 

Пад пастамі ў сацсетках пра змены клімату людзі заўзята спрачаюцца пра тое, змяняецца клімат увогуле або не, а калі змяняецца, то чаму: выключна праз натуральныя працэсы ці праз дзейнасць чалавека? Хтосьці радуецца кліматычным зменам – маўляў, будзе цёпла, не будзем мерзнуць, а хтосьці баіцца, што наступствамі будуць катаклізмы і эпідэміі.

АПБ вырашыла вынесці пытанне ў афлайн і запрасіла дасведчанага эксперта з Вялікабрытаніі расказаць простымі словамі пра тое, што ведаюць на гэты конт сучасныя навукоўцы.

Лекция про климат Роб Филд

За тыдзень да лекцыі білетаў на яе ўжо не было

Доктар Роб Філд – старшы навуковы супрацоўнік у Каралеўскім таварыстве абароны птушак, да якога далучыўся ў 2000 годзе. Ён актыўна вывучае экасістэмныя магчымасці змякчэння наступстваў кліматычных зменаў праз паляпшэнне кіравання і захаванне дзікай прыроды, галоўным чынам у сельскагаспадарчых экасістэмах і тарфяніках Вялікабрытаніі, астатняй Еўропы і Афрыкі.

У прыватнасці, доктар Філд супрацоўнічае з беларускімі калегамі па змяншэнні негатыўных наступстваў кліматычных зменаў у рэгіёне Палесся, а таксама вывучае, як аднаўленне балот уплывае на папуляцыі птушак у Беларусі.

Лекцыя прайшла пры падтрымцы пасольства Вялікабрытаніі ў Беларусі.

Тэкст: Алеся Башарымава

Фота: Андрэй Кот

 

Дапамажы нам захоўваць дзікую прыроду!

 

 

 

ВКонтакте АПБ



Падзяліся артыкулам у сацсетках:


Сообщить об опечатке

Текст, который будет отправлен нашим редакторам: