Сустракай глушца — птушку 2020 года!

Апошнія навіны,Навіна арганізацыі ад 27 лютага 2020 года

Птушкай 2020 года быў абраны глушэц. Даведайся больш пра гэты від і далучайся да нашых акцый!

Глушэц — сапраўдны патрыёт, і ўсё жыццё можа пражыць у адным лесе, не пакідаючы яго межаў.

Конкурсы і акцыі кампаніі «Птушка года»

У межах кампаніі «Глушэц – птушка 2020 года» мы ладзім шэраг конкурсаў і мерапрыемстваў, мэта якіх — адзначыць асаблівасці і прыцягнуць увагу да праблемаў гэтага віду. 

Спампаваць палажэнне конкурсаў у межах кампаніі «Глушэц — птушка 2020 года.»
 

Прэзентацыя з фактамі пра глушца

Глушэц — адметная птушка. Самыя важныя і цікавыя факты пра яго мы аформілі ў прэзентацыі «Глушэц — птушка 2020 года». Пампуй і глядзі!

10 цікавых фактаў пра глушца па-беларуску

10 цікавых фактаў пра глушца па-руску

Глушэц. Фота Віктара Казлоўскага

Калі ў цябе ёсць карысныя ідэі і прапановы, якія можна ажыццявіць у рамках кампаніі, дасылай іх, калі ласка, на паштовую скрыню каардынатара ptushki.org@gmail.com.
Будзем вельмі ўдзячныя!

Прыродаахоўныя мерапрыемствы ў межах кампаніі

У межах кампаніі “Птушка года” будуць праведзеныя ўлікі глушцоў на буйных токах, дзе дазволенае паляванне.

Будзе праводзіцца маніторынг выканання прыродаахоўнага заканадаўства па ахове глушца і яго токаў.

Асаблівая ўвага будзе нададзеная захаванню заходнееўрапейскага падвіду глушца.

Заклікаем школьнікаў паўдзельнічаць у акцыі “Захавай заходняга глушца!”

Дашлі паштоўку з падзякай за адмову ад палявання на рэдкі падвід глушца на любы з гэтых адрасоў:

• Міністэрства лясной гаспадаркі Рэспублікі Беларусь, вул. Мяснікова, 39, 220048, г. Мінск.
• Беларускае таварыства паляўнічых і рыбаловаў, завулак Калініна, 16, 220012, Минск.
• Беларускае ваенна-паляўнічае таварыства, вул. Багдановіча, 46, 1а, 220123, г. Мінск.
• ДПУ «Нацыянальны парк «Белавежская пушча», 225063, аг. Камянюкі, Камянецкі раён, Брэсцкая вобласць.

Марка і манета з птушкай года

АПБ ужо шмат гадоў супрацоўнічае з Белпоштай і Нацбанкам, дзякуючы саму штогод выходзяць маркі і манеты з птушкай года. Марка з глушцом ужо выйшла!

Нацыянальная кампанія «Птушка года»

Нацыянальную кампанію «Птушка года» АПБ праводзіць з 2000 г. Галоўная мэта кампаніі – прыцягнуць увагу насельнiцтва да хараства прыроды і птушак, што жывуць вакол нас. У мінулыя гады сімваламі Беларусі былі: белы бусел, белая пліска, авяльга, дамавы верабей, гарадская ластаўка, барадатая кугакаўка, кнігаўка, звычайны салавей, вялікая белая чапля, шэрая гусь, сокал-пустальга, вялікі кулён, чорны свіргуль, удод, звычайная зязюля, вушатая сава, жаўрук-смяцюх, шчыгел, вялікі арлец.

Тэкст: Алеся Башарымава