Увага: змяніліся ўмовы конкурсу для школьнікаў “Птушка-арт: Усе колеры глушца”

Абвестка,Апошнія навіны,Навіна арганізацыі ад 5 мая 2020 года

У сувязі з эпідэміяй каранавірусу мы змяняем умовы конкурсу і настойліва просім не збірацца вялікімі групамі.

Добрая навіна – конкурс будзе, але ў іншым фармаце.

Конкурс праводзіцца у Сусветны дзень біяразнастайнасці 22 траўня.

Што трэба зрабіць?

Праявіце фантазію і з падручных рэчаў, якія знойдзеце дома або ў двары, складзіце пазнавальны сілуэт глушца. Фотаздымак гэтай фігуры дасылайце нам на ptushkahoda@ptushki.org з пазнакай тэмы “Птушка-арт” 22 траўня 2020 года.

Прыклад конкурснай працы: глушэц, складзены са спадніцы, сукенкі і шкарпэткі

У лісце абавязкова пазначыць:

• назву конкурсу;
• імя і прозвішча аўтара
• узрост
• дакладны адрас і тэлефон адказнага
• імя і прозвічша кіраўніка клуба АПБ “Крылаты дазор” ці іншага гуртка (калі аўтар удзельнік якога-небудзь гуртка).

Усе найлепшыя работы мы адзначым дыпломамі і прызамі.

АПБ пакідае за сабой права выкарыстоўваць работы для публікацыі з пазнакай аўтарства.

Удзел у конкурсе азначае згоду з апісанымі правіламі.

Тэкст: Алеся Башарымава