Кажаны на калажах Рамана Янотава — запрашаем на выставу!

Абвестка,Апошнія навіны ад 16 снежня 2020 года

З 15 па 30 снежня у Ruin-Bar (Мінск, вул. Кастрычніцкая, 16 корпус 27) пройдзе выстава калажоў Рамана Янотава «Ноч кажаноў».

Кажаны – усе шмат пра іх чулі, а хтосьці нават бачыў. Да некаторых яны нават заляталі ў хату! Але што мы пра іх ведаем? Яны страшныя ці ўсё ж мілыя?

Выстава з арыгінальнымі, вясёлымі і інфарматыўнымі калажамі адкажа на пытанні:

• Дзе спяць беларускія “бэтмэны”?
• Чаму зімой кажаноў цягне да лядоўні?
• Ці вінныя кажаны ў распаўсюдзе COVID-19?
• Ці п’юць кажаны кроў?
• Навошта кажанам калоніі?
• Як вучоныя даследуюць «лятучак»?

Выстава калажоў пройдзе ў межах сусветнай Ночы кажаноў.

Калі: 15.12 — 30.12, 17:00 — 23:00 пн-сб.
Дзе: Ruin-Bar (Мінск, вул. Кастрычніцкая, 16 корпус 27)
Уваход вольны.

Арганізатары мерапрыемства — грамадская арганізацыя “Ахова птушак Бацькаўшчыны” у супрацы з НПЦ па біярэсурсах НАН Беларусі пад эгідай EUROBATS.

Адзначай нас на фотаздымках з выставы і пазначай свае допісы з уражаннямі ад калажоў хэштэгам #ночкажаноў!

Тэкст: Аліса Матавілава