Запісвайся на «Салаўіныя вечары» 15-16 траўня!

Абвестка,Апошнія навіны,Навіна арганізацыі ад 12 мая 2021 года

Запрашаем на бясплатныя экскурсіі “Салаўіныя вечары” – прыходзь паслухаць канцэрты салаўёў разам з гідам-бёрдвочарам у сваім горадзе.

Ты зможаш не толькі пачуць салаўіную оперу, але і дазнацца шмат цікавага пра салаўёў ды іншых птушак, з якімі ён суседзіць.

Для ўдзелу ў экскурсіі трэба запісацца праз анлайн-форму. Усім зарэгістраваным мы паведамім месца збору.

Дзе пройдуць экскурсіі на салаўёў?

Мінск:

• 15.05, 19:00, Лошыцкі парк;
• 16.05, 19:00, парк — помнік прыроды рэспубліканскага значэння «Дуброва».

Маларыта: 16.05, 20:00.

Гомель: 15.05, 16:00.

Віцебск: 16.05, 19:00.

Гародня: 16.05, 19:00.

Брэст: 16.05, 20.00.

Чавусы: 16.05, 18.00.

Хоцімск: 16.05, 19.00.

Кіраўск: 23.05, 18.00, экскурсія без запісу, збор на вуліцы Арлоўскага, 63 (Качарыцкі сад, паркавая зона каля санаторыя «Золак»). Экскурсію вядзе рэгіянальны каардынатар АПБ Кацярына Малолава (emalolova@gmail.com). Слухаем салаўя ў хмызняку каля закінутага дома.

Як спявае салавей?

Пазвані салаўю па нумары  +375445006612 (А1), і ён заспявае для цябе, а потым дашле sms. Але нішто не параўнаецца з яго спевам ужывую, таму запісвайся на «Салаўіныя вечары»!

Усе месцы, дзе пачуеш салаўя, занось, калі ласка, на «Салаўіную карту«. На карце таксама можна паглядзець актуальныя месцы, дзе спяваюць салаўі.

Тэкст: Алеся Башарымава