Калажы, малюнкі, маскі, TikTok: конкурсы ад леляка – птушкі 2021 года!

ад 17 мая 2021 года

Пазнаёмся бліжэй з леляком і прымяні свае веды і творчасць у конкурсах кампаніі «Птушка года»! А таксама далучайся да акцыі ў абарону лелякоў.

Козодой

Ляляк — геній маскіроўкі. Фота Мікалая Вараб’я

Конкурс калажоў і малюнкаў «Ляляк – супергерой»

Выяві птушку года на малюнку або калажы ў вобразе персанажа-супергероя, дзе яго здольнасць (здольнасці) заснаваныя на рэальным факце з жыцця леляка (маскіроўка, незвычайнае ўменне сядзець уздоўж галінкі, надзвычай вялікія вочы і здольнасць глядзець праз шчыліну ўдзень, здольнасць вельмі шырока адкрываць дзюбу, каб лавіць насякомых ды адпужваць ворагаў і інш.). На конкурс прымаюцца добрыя фота або сканы малюнкаў/калажоў*.
У конкурсе могуць удзельнічаць дзеці дашкольнага і школьнага ўзросту.

*Даслаць на электронны адрас АПБ ptushkahoda@ptushki.org да 15 чэрвеня 2021 года з пазнакай тэмы “Ляляк – супергерой”.

Конкурс масак «Ляляк-2021»

Упрыгож маску, якая дапамагае прафілактыцы распаўсюду COVID-19, выявай птушкі года 2021. Нанясі выяву любым даступным спосабам: намалюй спецыяльнымі фарбамі, зрабі вышыўку або прыдумай свой спосаб.
Для ўдзелу ў конкурсе трэба даслаць фота ўдзельніка ў масцы з выявай птушкі 2021 года на электронную пошту ptushkahoda@ptushki.org з пазнакай тэмы “Ляляк-2021”* да 31 траўня 2021 года ўключна.

*У e-mail абавязкова пазначыць:

  • назву конкурсу;
  • імя і прозвішча аўтара;
  • узрост;
  • дакладны адрас і тэлефон адказнага;
  • імя і прозвічша кіраўніка клуба АПБ “Крылаты дазор” ці іншага гуртка (калі аўтар – удзельнік якога-небудзь гуртка).

#ЯЛЯЛЯК

Нагадваем, што да 31 траўня працягваецца digitalчэлендж “Як гучыць ляляк”.

Зрабі кароткае відэа з гукам для TikTok або VK, у якім ты пяеш як ляляк. Гук можна імітаваць або выкарыстаць запіс голасу леляка і накласці яго на сваё відэа.

Шлюбная песня самца леляка гучыць як сухая манатонная трэль «рьрьрьрьрь» і нагадвае тарахценне невялікага матацыкла або стракатанне насякомага. У леляка звонку дзюба падаецца маленькай, але дзякуючы вялікаму разрэзу ён можа вельмі шырока яе разяўляць, каб напужаць ворагаў. Пры гэтым птушка можа шыпець.

Для ўдзелу ў конкурсе да 31 траўня 2021 года апублікуй відэа ў TikTok або VK, адзнач нашу старонку (TikTok: @ahova_ptushak, VK: @ptushki) і пастаў #ЯЛЯЛЯК.

Акцыя «Дом для леляка»

Па-за конкурсамі ты можаш паўдзельнічаць у акцыі ў абарону лелякоў “Дом для леляка”.

Каля лецішчаў смецце часцяком выкідваюць проста ў лес. Зрабі плакат пра захаванне чысціні ў сасновых лясах, у якіх жывуць лелякі. Напішы, чаму нельга пакідаць у лесе смецце.

Павесь плакаты ля дарог на ўскрайку найбліжэйшага лесу. Фота плаката на дрэве з хэштэгам #домлеляка запосці ў сацсеткі.

Тэкст: Алеся Башарымава

Телеграм АПБ



Падзяліся артыкулам у сацсетках:


Сообщить об опечатке

Текст, который будет отправлен нашим редакторам: