Экадому – 25! Віншуем!

Апошнія навіны,Навіна арганізацыі ад 21 чэрвеня 2021 года

Экадом – грамадскае аб’яднанне, якое шмат што аб’ядноўвае з АПБ.

Як і АПБ, гэта адна найстарэйшый некамерцыйных экалагічных арганізацый краіны, створаная людзьмі, што клапоцяцца пра здароўе наваколля, гараць сваёй справай і хочуць захапіць ёю іншых, несучы людзям асвету пра экалагічна прыязны лад жыцця.

Як і АПБ, Экадом – арганізацыя, якая грунтуецца на прынцыпах дэмакратыі і ўстойлівага развіцця.

Як і сябры АПБ, сябры Экадома шукаюць раўнавагу ў стасунках чалавека і дзікай прыроды.

Сябры, калегі, партнёры – зычым вам плёну і натхнення ў няпростай штодзённай працы, адданых сяброў і прыхільнікаў, радасці ад перамог і часу на клопат пра сябе!

Аляксандр Вінчэўскі, дырэктар АПБ:

У Экадоме заўсёды працавала моцная каманда юрыстаў і зараз на іх сайце можна знайсці рыбы лістоў у дзяржаўныя ворганы па любых экалагічных пытаннях. Карыстайцеся! Арганізацыі зычу да 100 гадоў дажыць, а камандзе пасвяткаваць стагоддзе!

Павіншуй Экадом і ты: падпішыся на аб’яднанне ў сацсетках або напішы пост-віншаванне і затэгай яго ў Instagram, Telegram, Facebook або УКантакце.

Тэкст: Алеся Башарымава