«Ахова птушак» перамагла ў Чацьвёртым Фестывалі беларускамоўнай рэкламы і камунікацыі AD.NAK!

Навіна арганізацыі ад 28 чэрвеня 2013 года

Скончыўся Чацвёрты Фестываль беларускамоўнай рэкламы і камунікацыі AD.NAK!. Рэкламныя плакаты грамадскай арганізацыі "Ахова птушак Бацькаўшчыны" занялі прызавыя месцы ў дзвух намінацыях — Афіша і Друкаваная і вонкавая рэклама!

У мінулым годдзе рэкламная агенцыя Publicis Hepta Belarus распрацавала для АПБ афішы Восенькіх дзён назірання за птушкамі, якія праходзілі 6-7 кастрычніка. Плакаты выклікалі шмат розных меркаванняў у грамадстве, а таксама актыўна абмяркоўваліся. 

27 чэрвеня прайшоў Чацвёрты Фестываль беларускамоўнай рэкламы і камунікацыі AD.NAK!, дзе "Ахова птушак" стала прызёрам. У намінацыі Афіша плакаты занялі другое месца, таксама яны сталі другімі ў намінацыі Друкаваная і вонкавая рэклама.

Шчыра дзякуем агенцыі Publicis Hepta Belarus за падтрымку і выдатныя ідэі!

Таксама працы АПБ увайшлі ў шорт-ліст Кіеўскага Міжнароднага фестываля рэкламы.