Увага! Вялікія выбары — 2014

Навіна арганізацыі ад 11 студзеня 2014 года

У студзені 2014 года сканчаецца тэрмін паўнамоцтваў шэрагу выбарных пасадаў АПБ: Старшыні АПБ (А.Я.Вінчэўскі), пяці сябраў Цэнтральнага Савету (В.В.Грычык, В.С.Гуменны, У.В.Іваноўскі, М.Я.Нікіфараў, Н.І.Парэчына), а таксама ўсіх сябраў Рэвізійнай камісіі.

Выбары будуць праходзіць 25 студзеня на З’ездзе АПБ. Прымаць удзел у галасаванні маюць права ўсе сябры АПБ, якія дасягнулі ўзроста 16 гадоў і заплацілі сяброўскі ўзнос за 2013 ці 2014 год.

Згодна са Статутам АПБ, кандыдаты на выбарныя пасады (толькі старэй за 18 гадоў) могуць вылучацца Цэнтральным Саветам і сябрамі АПБ.

Намінацыі на вакансіі ад сябраў АПБ ажыццяўляюцца шляхам падачы заявы на імя Старшыні АПБ з 10 ці болей подпісамі сябраў АПБ старэй за 16 гадоў. Разам з подпісам  кожнага сябра пазначаецца яго прозвішча, імя і імя па бацьку. Для падрыхтоўкі бюлетэняў для галасавання заявы павінны паступіць у Сакратарыят АПБ да 22 студзеня 2014 года (серада) на электронны (info@ptushki.org) ці паштовы адрас (220114, г.Мінск, вул.Парніковая 11, пак.4).

На пасяджэнні Цэнтральнага Савета былі прапанаваны наступныя кандыдаты на вакантныя пасады:

• на пасаду Старшыні АПБ: А.Я.Вінчэўскі.
• на пасады сябраў Цэнтральнага Савету: В.В.Грычык (Мінск), В.С.Гуменны (Гродна), У.В.Іваноўскі (Віцебск), Г.А.Захарава (Віцебск), І.Р.Клявец (Смаргонь), М.М.Каласкоў (Мінск), Л.А.Мартынава (Мінск).
• на пасады сябраў Рэвізійнай камісіі: Н.І.Парэчына (п.Гатава), А.А.Храмогін (Гродна), П.У.Пінчук (Бараўляны).

Склад выбарных органаў грамадскай арганізацыі "Ахова птушак Бацькаўшчыны":

Вытрымкі са Статута АПБ:
4.8. Сябры ЦС абіраюцца З’ездам з ліку сяброў АПБ. У склад ЦС уваходзяць Старшыня і 8 сяброў ЦС. Знаходжанне на пасадах Старшыні больш двух тэрмінаў запар, а на пасадзе сябра ЦС больш трох тэрмінаў запар не дапускаецца. Кандыдатуры Старшыні, а таксама сяброў Савета для галасавання на З’ездзе могуць вылучацца ЦС, альбо не менш чым 10 сябрамі АПБ, якія маюць актыўнае выбарчае права. Новыя Старшыня і сябры ЦС выконваюць свае абавязкі ад закрыцця З’езда, на якім яны былі выбраныя, да закрыцця З’езда, на якім яны будуць пераабраны.

Азнаёміцца з правамі і абавязкамі сябраў ЦС і РК можна ў Статуце АПБ.