Акцыя «Птушкі на кармушцы»

Навіна арганізацыі ад 17 студзеня 2014 года

Штогадовая акцыя "Птушкі на кармушцы" адбудзецца ўжо ў гэтыя выходныя!

Каб прыняць удзел у акцыі, запрашаем у адзін з дзён (18 ці 19 студзеня) падлічыць віды і колькасць птушак на вашай кармушцы і адправіць дадзеныя ў АПБ да 20 студзеня 18:00 адным з наступных спосабаў:

• запоўніце электронную форму на сайце;
• напішыце нам паведамленне на Facebook ці VKontakte;
• напішыце нам электроннае паведамленне на info@ptushki.org.

Калі вы яшчэ не паспелі зрабіць кармушку, то спяшайцеся.  Мы падрыхтавалі чатыры цікавых варыянты простых і не вельмі кармушак. Таксама вы можаце пачытаць, як прайшла акцыя ў мінулым годзе.

Сярод удзельнікаў акцыі АПБ разыграе прызы.

Паліна Федарава, каардынатар акцыі "Птушкі на кармушцы"