Ёсць рэкорд!

Навіна арганізацыі ад 25 сакавіка 2014 года

Новы рэкорд Клуба200 — Стас Верталь на 82 дзень года (23 сакавіка) пабачыў свой соты від! У мінулым годзе 100 птушак першым пабачыў Дзяніс Кіцель, і было гэта толькі 5 красавіка. Птушкай, якая дапамагла Стасу ўсталяваць новы рэкорд, стаў рэмез звычайны.

На сённяшні дзень ужо некалькі чалавек пабачылі больш за 100. Сярод усіх удзельнікаў Клуба200 у агульным заліку за 2014 год наперадзе Ірына Самусенка, якая 26 сакавіка адзначыла 119 від. За ёй у рэйтынгу Стас Верталь (112), Сямён Левы (109), Андрэй Абрамчук (101), Дзяніс Змачынскі (100).

Наперадзе амаль увесь год, будзем чакаць цікавых назіранняў і новых рэкордаў!

Алеся Скідан, інфармацыйны супрацоўнік АПБ