Birdrace 2014: першы пайшоў!

Навіна арганізацыі ад 26 жніўня 2014 года

Cябры, спяшаемся паведаміць вам, што адна каманда ўжо зарэгістравалася на ХI адкрыты Чэмпіянат па спартыўный арніталогіі — Birdrace-2014! Вітаем “Палескіх зязюль”! Каманда цалкам мужчынская (Юрый + 3 Алянсандра) будуць стартаваць 6 верасня з вёскі Кляшчы Кобрынскгага раёна. У мінулым годзе каманда называлася “Палескія ўдоды”. Як бачым, гэтыя ўдзельнікі змяняюць назву каманды згодна з новай птушкай году. На чэмпіянаце-2013 “удоды” занялі 4 месца з паказчыкам 96 відаў. Да бронзы не хапіла 3 відаў птушак.  

Хто наступны на Чэмпіянат-2014? Нагадваем, што мы запрашаем усіх жадаючых да ўдзелу ў Чэмпіянаце па спартыўнай арніталогіі!  

Спаборніцтвы адбудуцца ўжо вельмі хутка — 6 верасня! Рэгістрацыя праходзіць да 10 раніцы 5 верасня.

 Што адзначыць у заяўцы?

·        Назва каманды;

·        Склад каманды(4 чалавекі; мінімум двое павінны быць старэйшыя за 18 гадоў);

·        Месца старту;

·        Нумар тэлефону для сувязі.

Інфармацыя прымаецца па тэлефонах: 8-029-223-06-13 МТС, 8-029-101-68-87 Velcom альбо па электроннай пошце info@ptushki.org(абавязкова паставіць копію на адрас levy@ptushki.org).

Увага! З гэтага году Правілы Адкрытага чэмпіянату Беларусі па спартыўнай арніталогіі змененыя! Пазнаёміцца з новымі Правіламі можна тут.

Наш чэмпіянат – гэта адзіныя спаборніцтвы такога кшталту. Паспейце далучыцца!