Злёт зязюль у «Кастрычніку»

Навіна арганізацыі ад 14 лістапада 2014 года

Запрашаем вас у кінатэатр “Кастрычнік” на выставу фінальных работ мастацкіх конкурсаў кампаніі “Зязюля – птушка 2014 года”. Да 1 снежня ў мінчан і гасцей горада будзе магчымасць атрымаць асалоду ад лепшых мастацкіх твораў пераможцаў і ўдзельнікаў конкурсаў, прысвечаных цікавай птушке – зязюле. Запрашаем на 2 паверх кінатэатра!

На працягу года ў межах кампаніі праходзілі мастацкія і літаратурны конкурсы, таксама сваю моц можна было паспрабаваць у конкурсе на лепшую метадычную распрацоўку, прыродаахоўную ці асветніцкую акцыю. 

Урачыстае ўзнагароджанне пераможцаў конкурсаў кампаніі адбудзецца ў кінатэатры “Кастрычнік” 19 лістапада а 14.00. Усе пераможцы  атрымаюць прызы і памятныя сувеніры ад АПБ. Прыходзьце! 

Варта адзначыць, што кожная конкурсная праца – сапраўдны непаўторны мастацкі твор. Журы ўразілі таленты і фантазія ўдзельнікаў. Аднак улічвалі і адпаведнасць біялагічным фактам з жыцця зязюлі.  У выніку няпростага судзейства месцы размеркаваліся наступным чынам.

Лепшы малюнак

• 1 месца:  Марыя Сыракваш, 13 год, ДУА “Гімназія №19 г. Мінска”
•                    Раман Рабцаў, 8 год, ДУА “Гімназія №19 г. Мінска”
• 2 месца: Алена Анкута, 16 год, ДУА “СШ №199 г. Мінска”
•                   Ірына Астахава, 16 год, ДУА “СШ №23 г. Барысава” 
• 3 месца: Анастасія Саўкова, 16 год, ДУА “Гімназія №3 г. Барысава” 
•                     “Лясная прыгажуня”, Марыя Свісцельнік, 11 год, ДУА “СШ №20 г. Барысава” 

Лепшы мастацкі выраб

• 1 месца : “Падкідыш”, Кірыл Вялічка, 12 год, ДУА “Сярэдняя школа №16 г. Барысава”
• 2 месца: “Падкінула яйка ў чужое гняздо”, Ілля Наумовіч, 11 год ,Студзія “Скарбонка”, Салігорск 
• 3 месца : “Зязюлька”, Паліна Кістанава, 12 год, ДУА“Вялікаўхалодская  СШ Барысаўскага раёна”
•                    3D панно “Зязюлька”, Ілля Гайдук, ДУА “Гімназія г.Іванава”

Лепшы Комікс

• 1 месца:  Краснадубскі Дзяніс, 8 клас, ДУА "Слабадская СШ імя Гурыновіча"
• 2 месца: Іваноў Аляксандр, 9 год, ДУА "Гімназія №10" г. Гродна 
• 3 месца: Юркевіч Елізавета, 16 год, ДУА "СШ №6 г.Барысава"

Лепшы прыродаахоўны плакат

• 1 месца: Гарашэвіч Дар’я, 15 год, ДУА “Гімназія №1” г. Брэста
• 2 месца: Парфенюк Кацярына, 15 год, ДУА  “СШ №13 г.Слуцка” 
•                      Вялько Ніна, 13 год, ПДіМ “Золак”, гурток “Юны арнітолаг” 
• 3 месца: Крохін Кірыл, 16 год, ДУА “СШ №8 г.Барысава”

Літаратурны конкурс “Зязюля ў фальклоры”

• 1 месца: Марына Рогава, 16 год, ДУА “Зачысцкі вучэбна-педагагічны комплекс дзіцячы сад-сярэдняя школа Барысаўскага раёна”
• 2 месца: Давыдзюк Аліна, 5 клас, ДУА “Гімназія г.Іванава” 
•                     Кузняцоў Павел,  ДУА “СШ №12 г.Барысава” 
• 3 месца:  Санюк Паліна, 12 год, ДУА “Азяранскі дзіцячы сад-сярэдняя школа”
•                      Андрэева Агата, г.Віцебск 

Лепшымі метадычнымі распрацоўкамі былі абраныя працы Шапорывай Вікторыі, студэнткі факультэта прыродазнаўства БДПУ ім. М. Танка. (Класная гадзіна на тэму «Хто такая зязюля?») і Дылеўскага Уладзіміра з Чайко Віталем, навучэнцаў ДУА “СШ №3 г.Нясвіжа (Гульня “Перагортваючы кнігу прыроды. Зязюля – птушка 2014 года”).

Спецыяльны прыз сакратарыята АПБ за тое, што сочыць за міграцыяй зязюль, атрымлівае Максім Сцяпура (праца “Зязюля ў Афрыцы”,  8 год, ДУА “Гімназія №10 г.Гродна”). 

У складзе журы конкурса для розных намінацый выступілі:

• Ганна Трафімчук, намеснік дырэктара па развіцці АПБ
• Дзяніс Кіцель, арнітолаг
• Яўген Cowek, мастак, удзельнік беларускай стрыт-арт супольнасці  SIGNAL 

• Наталля Парэчына, супрацоўнік па экалагічнай адукацыі АПБ
• Карына Салавей, спецыяліст па развіцці АПБ 

• Вікторыя Церашонак, інфармацыйны супрацоўнік АПБ
• Андрэй Барадзін, філолаг-германіст
• Сямён Левы, спецыяліст па прыродаахоўным пытанням АПБ

Вялікі дзякуй усім удзельнікам конкурсаў за адметныя, прыгожыя працы, якія цудоўна адлюстравалі зязюлю, падкрэсліваючы яе характэрныя рысы і асаблівасці жыцця. Шчыра жадаем творчых поспехаў і перамогі ў наступным  годзе! А мы ў сваю чаргу абяцаем падрыхтаваць новыя конкурсы і цікавосткі да кампаніі “Птушка года-2015”.

Пасля ўзнагароджання ўсе жадаючыя могуць паглядзець анімацыйны фільм “Махні крылом” (кошт квітка ў касах кінатэатра –  10.000 бел.руб). Падрабязней пра кіно – тут.

Карына Салавей, супрацоўнік па развіцці АПБ