З 1 лютага змяніліся памеры ўзносаў АПБ

Навіна арганізацыі ад 2 лютага 2015 года

АПБ не раз пісала, што з 1 лютага памеры членскіх ўзносаў павялічацца.  

Уважліва паглядзіце, якім чынам змяніліся сумы ўзносаў. Для сябраў АПБ катэгорый “Рэдкая птушка” і “Ільготная”  памер узноса павялічыўся да 228 000 і 96 000 адпаведна. Сяброўства ў катэгорыях “Сямейная” і “Асабістая” цяпер аднолькавага памеру – 144 000. Свае змены ёсць і ў “Крылатых дазорах”: для настаўнікаў, якія з’яўляюцца кіраўнікамі клуба, узнос паменшыўся з 40 000 да 15 000 рублёў, а вось для вучняў з “КД” узнос павялічыўся з 5 000 да 15 000 рублёў.   

У чарговы раз просім вас не адкладаць аплату сяброўскіх узносаў, а зрабіць гэта як мага хутчэй! Гэта дае вам магчымасць атрымліваць усе друкаваныя матэрыялы і рассылкі своечасова і без затрымак. А мы, дзякуючы вам, зможам рабіць больш добрых спраў на карысць дзікай прыродзе Беларусі! Нагадваем: ва ўсіх сваіх дзеяннях і заявах АПБ выступае і ад вашага імя, а таксама ад імёнаў тысяч сваіх сябраў. Гэта робіць наш голас мацней, а нашы пазіцыі– больш важкімі.

Заставайцеся ў 2015 з АПБ! Нас чакае цікавы і насычаны на падзеі год!

Даведка: што атрымлівае сябра АПБ на працягу года: 

·         Часопіс "Птушкі і мы" – 2 нумары;

·         Інфармацыйны бюлетэнь – 2 нумары;

·         Картка сябра АПБ;

·         Налепка "Птушка года";

·         Іншыя друкаваныя матэрыялы.

Даведка: як аплаціць сяброўскі ўзнос у 2015 годзе

Па-першае, вам патрэбна ведаць нумар вашай сяброўскай карткі. Гэты нумар можна знайсці на вашай папярэдняй картцы ці даведацца по офісных тэлефонах ці e-mail info@ptushki.org. Аплаціць можна праз адзіную сістэму ЕРИП.

Сістэма"Расчет"(ЕРИП) 

ЕРИП – гэта аплата з выкарыстаннем плацёжна-даведачных тэрміналаў і банкаматаў. Што трэба рабіць? Выбірайце адзін з трох варыянтаў! 

·        ЕРИП — у інфакіёску ці банкамаце!  

А) Знайсці бліжэйшы плацёжна-даведачны тэрмінал (інфакіёск) або банкамат

Б) Выбраць у пераліку паслуг пункт «Система "Расчет" (ЕРИП)»

В) Выбраць пункт «Прочие республиканские услуги», а затым «Ахова птушак Бацькаўшчыны ГА» 

Г) Увесці ваш нумар сяброўскай карткі, прозвішча, імя і суму аплаты.

Д) Пацвердзіць аплату

·        ЕРИП – праз касы банкаў

Звяртаецеся ў касу любога банка (ўдзельніка сістэмы " Расчет " (ЕРИП)) і паведамляеце, што вам неабходна аплаціць паслугу «Ахова птушак Бацькаўшчыны ГА» праз сістэму «Расчет» (паслуга размешчана ў каталогу «Прочие республиканские услуги»), паведаміце "нумар сяброўскай карткі, прозвішча, імя і суму аплаты" і аплачваеце наяўнымі грашыма або банкаўскай карткай. 

·        ЕРИП— аплата з выкарыстаннем Інтэрнэт-банкінгу 

А) Зайсці на сайт вашага Банка (паслуга Інтэрнэт-банкінг) 

Б) Выбраць упераліку паслуг пункт «Система "Расчет" (ЕРИП)»

В) Выбраць пункт «Прочие республиканские услуги», а затым «Ахова птушак Бацькаўшчыны ГА»

Г) Увесці ваш нумар сяброўскай карткі, прозвішча, імя і суму аплаты.

Д) Пацвердзіць аплату.

Выбірайце больш зручны для вас вырыянт! Далучыцца да нашай дзейнасці даволі проста. Памятайце: ваша падтрымка вельмі шмат значыць для нас! 

З павагай, ваша АПБ