Вынікі конкурса малюнка на асфальце Як вушатая сава снедае?

Навіна арганізацыі ад 8 чэрвеня 2015 года

 5 чэрвеня, у Сусветны дзень навакольнага асяроддзя, "Ахова птушак Бацькаўшчыны" прапанавала дзеткам паўдзельнічаць у конкурсе малюнка на асфальце "Як вушатая сава снедае?". Больш  за 200 фота мы атрымалі ў гэтым годзе на паштовую скрыню кампаніі. Сава вушатая – птушка 2015 года. У акцыі прынялі ўдзел звыш 400 чалавек.

Дзеці і дарослыя з усёй краіны на працягу дня спрабавалі алюстраваць рацыён птушкі 2015 года.

Дзеткі ўяўлялі абед савы па-рознаму — у кагосьці яна сапраўдны арыстакрат, паважна трапезнічае ў сваёй кватэры.

 А іншыя дзеці вырашылі, што вушатыя совы харчуюцца выключна змеямі. Звяртаем яшчэ раз вашу ўвагу: што датычыцца абеду, птушкі года аддаюць перавагу выключна мышападобным грызунам. Шмат сапраўдных твораў мастацтва мы атрымалі з усходняй Беларусі, па якой крочыць наш вялікі і важны праект "Аб'ядноўваючыся вакол прыроды". 

Работы, якія мы атрымалі — адметныя і цікавыя, журы конкурса прыйшлося не салодка. Аднак не гледзячы на складаны выбар пераможцы вызначаны! Па колькасці ўдзельнікаў і масштабу малюнка бясспрэчна перамог клуб "Крылаты дазор" СШ №9 г. Слуцка пад кіраўніцтвам Жанны Валетка. Каля 86 дзяцей і дарослых малявалі вушатую саву і тое, чым яна снедае! Вось якімі ўражаннямі падзялілася кіраўнік сапраўды вялікага творчага гуртка, Жанна Валетка:

“5 июня в 9.30 группа ребят,  членов  клуба КД,  ждали всех  на крыльце школы. Они проводили социологический опрос «Знаете ли вы, что ест ушастая сова на завтрак?».  Отвечали все, в основном, что  любимое лакомство  сов – мыши. Все желающие, а их оказалось немало – 86 человек –  приняли участие в создании рисунка на асфальте «Як сава вушатая снедае»”.

 Па арыгінальнасці задумы і якаснаму выкананню перамагаюць ДУА "Петрывічскі дзіцячы сад-сярэдняя школа" і ДУА "СШ №1 Навагрудка." Менавіта гэтыя працы асабліва адлюстроўваюць тэму конкурса і захапляюць сваім творчым выкананнем.

Вельмі хочацца адзначыць творчую працу аднаго з самых маленькіх удзельнікаў конкурса. Не гледзячы на юны ўзрост мастака, сава вушатая атрымалася вельмі падобнай і  асабліва прыгожай! 

Адбыўся конкурс і ў Мінску –  5 чэрвеня на гарадскім дзіцячым экалагічным свяце “Земли моей лицо живое” у Лошыцкім парку, кожны мог намаляваць птушку года, не ўтрымаліся нават маладыя!

 Усе пераможцы конкурса атрымаюць памятныя прызы ад АПБ. Вялікі дзякуй нашым таленавітым удзельнікам за добрыя малюнкі.

Спадзяемся, сябры, з дапамогай конкурса малюнка на асфальце "Як вушатая сава снедае" вы дакладна засвоілі абедзеннае меню птушкі года і адчулі, як можна добра і весела бавіць час на дварэ.

Чакаем вашага ўдзелу ў новых цікавостках ад АПБ і жадаем, каб лета было поўным творчасці і адпачынку, гульняў на прыродзе ды назіранняў за птушкамі! 

 Карына Салавей, каардынатар кампаніі
"Сава вушатая — птушка 2015 года"