АПБ у «Лічбах і фактах» 2015

Навіна арганізацыі ад 22 студзеня 2016 года

Сябры, выйшла традыцыйная справаздача АПБ за 2015 год– “Лічбы і факты”.

У год вушатай савы мы разам з вамі ратавалі Тураўскі луг ад палону вярбы, лічылі жураўлёў на балоце Ельня, развешвалі скрыні для кажаноў, радаваліся “птушынай” сацыяльнай рэкламе, адкрывалі музей салаўя ў Слуцку, шукалі вушатых соў і дарылі новыя “кватэры” гаспадыні года…

Год быў сапраўды насычаным. “Лічбы і факты”– нагода яшчэ раз успомніць 2015-ы і сказаць дзякуй усім, хто не застаўся ў баку ад не заўсёды простай, але важнай справы захавання прыроды.

Спампаваць "Лічбы і факты-2015"

Усе сябры АПБ, якія аплацілі ўзнос у 2015 годзе, атрымаюць (ці ўжо атрымалі?) “Лічбы і факты” па пошце. 

Наперадзе – новы 2016 год, новыя акцыі і новыя цікавыя сустрэчы з птушкамі.

Разам для птушак і людзей!