Гогаль на асфальце

Навіна арганізацыі ад 7 чэрвеня 2016 года

5 чэрвеня, у Сусветны дзень навакольнага асяроддзя, дзеткі і дарослыя па ўсёй краіне малявалі закаханага гогаля!  У гэтым годзе у штогадовым конкурсе малюнка на асфальце кампаніі "Птушка года" прынялі ўдзел больш за 300 чалавек.

Мэта конкурса – звярнуць увагу дзетак і дарослых на момант “закаханасці” птушкі 2016 года, працэс такавання. Заляцаецца да самкі, такуе птушка года вельмі адметна — самец выцягвае шыю наперад, затым рэзка закідвае галаву назад на спіну і задзірае дзюбу да неба, пры гэтым адштурхаецца лапамі і ўздымае фантан пырскаў! 

Кожны ўдзельнік намагаўся адлюстраваць гэты няпросты працэс, а навучэнцы  Крылатага дазора "Юны арнітолаг" ПДіМ «Золак» г. Минска пад кіраўніцтвам Ірыны Бірынай-Паўлавай намалявалі цэлую гісторыю!

 "Задумка детей следующая. Самая главная героиня – это конечно наша избранница — гоголиха. Она в центре. Вокруг нее вьется много гоголей. Каждый галантен, добр и не скуп, чтобы  добиться  ее руки и завоевать  сердце. Один ей предлагает  путевку на теплое Средиземноморье, второй  манит тяжелым кошельком, набитым «зелеными», третий забрасывает цветами и сердечными письмами, четвертый  лакомит мороженным и всякими сладостями, пятый  предлагает круиз на фрегате с алыми парусами,  другие устраивают между собой дуэли, а следующий  упрашивает остаться в родных местах, где  уже обустроил  уютное тихое местечко и гнездышко  для будущей семьи, а очередной  поет серенады  и танцует все сутки напролет, чтобы  понравиться. В любви ведь все средства хороши! Кого она предпочтет, кого полюбит? Выбирать только ей – главной героине — невесте!". 

Мы атрымалі шмат цікавых работ, журы вызначыла наступных пераможцаў.

Па колькасці адначасовых удзельнікаў і маштабу малюнка перамаглі навучэнцы ДУА “СШ №2  г.п. Шаркаўшчына”, удзельнікі клуба КД пад кіраўніцтвам Аксаны Пачэпка. Адначасова малявалі гогаляў 38 чалавек.

Па арыгінальнасці задумы і якаснаму выкананню 1 месца займае Крылаты дазор ДУА “СШ №2 г.Чавусы” пад кіраўніцтвам Кацярыны Малолавай. 

2 месца — навучэнцы Крылатага дазора ДУА “СШ № 11 г.Мазыра” — Крысціна Кудравец , Анастасія Шкурко пад кіраўніцтвам Валянціны Азёма.

3 месца — навучэнцы Крылатага дазора ДУА "Меркулавіцкая сярэдняя школа Чачэрскага раёна" пад кіраўніцтвам Марыі Харкуновай.

Вялікі дзякуй удзельнікам конкурса за прыгожыя творчыя працы! Усе пераможцы атрымаюць памятныя прызы ад АПБ. 

А наперадзе чакаюць новыя конкурсы ў рамках акцый і кампаній АПБ – варта набірацца моцы і натхнення. І лета для гэтага самая спрыяльная пара! Жадаем вам паболей птушыных спеваў і адпачынку на прыродзе! 

Карына Салавей, каардынатар кампаніі "Гогаль — птушка 2016 года"