Вялікія садовыя назіранні за птушкамі.

Навіна арганізацыі ад 25 студзеня 2007 года

27-28 студзеня ў Вялікабрытаніі пройдуць чарговыя "Вялікія садовыя назіранні за птушкамі" (Big Garden Birdwatch). Удзельнікам гэтай акцыі трэба на працягу адной гадзіны паназіраць за птушкамі ў сваіх садах і потым даслаць вынікі. Першыя такія назіранні прайшлі ў далёкім 1979г., і адразу ў іх прынялі ўдзел 34000 чалавек. Асноўнымі ўдзельнікамі былі дзеці. За 27 гадоў умовы "Вялікіх садовых назіранняў за птушкамі" амаль што не змяніліся, толькі з 2001 г. пачалі назіраць за птушкамі ў сваіх садах і дарослыя. У 2006г. колькасць удзельнікаў склала 470000, яны правялі назіранні ў 270000 садах.
Яшчэ "Вялікія садовыя назіранні за птушкамі" маюць "малодшую сястру" — "Вялікі школьныя назіранні за птушкамі" . 36000 вучняў у 1400 школ у 2006 г. правялі падлікі.

Такая акцыя дазваляе вучоным выявіць, якія віды павялічваюць сваю колькасць на зімоўцы, а якія зніжаюць.

Першая дзесятка птушак за 2006 г. выглядае так:

1) Дамовы верабей
4,4 птушкі ў сярэднім на адзін сад. Колькасць з 1979 г. паменшылася на 56%.
2) Шпак
3,64 птушкі на сад. Колькасць паменшылася на 76%
3) Чорны дрозд
3 птушкі на сад. Колькасць павялічылася на 24%
4) Сіняя сініца
2,7 птушкі на сад. Колькасць павялічылася на 12%
5) Берасцянка
2 птушкі на сад. Мігріруе з Скандынавіі і паўночнай Еўропы і калі там халодныя зімы павялічвае сваю колькасць у Вялікабрытаніі.
6) Зелянушка
1,7 птушкі на сад. Колькасць павялічылася на 67%
7) Кольчатая туркаўка
1,6 птушкі на сад. Колькасць паялічылася на 416%
8) Вялікі голуб
1,43 птушкі на сад. Колькасць павялічылася на 615%
9) Вялікая сініца
1,4 птушкі на сад. Колькасць павялічылася на 57%
10) Малінаўка
1,4 птушкі на сад. Колькасць паменшылася на 32%

"Birds", February 2007, Volume 21 №5

http://www.rspb.org.uk/birdwatch/