Эўрапейская Рада прыняла гістарычнае рашэньне па барацьбе са зьменамі клімату

Навіна арганізацыі ад 20 сакавіка 2007 года

На паседжаньні Эўрапейскай Рады, што адбылося 8—9 сакавіка ў Брусэлі, лідэры дзяржаваў і ўрадаў краінаў‑чальцоў Эўразьвязу падтрымалі прапановы Эўрапейскай Камісіі, накіраваныя на пабудаваньне экалягічна чыстай энэргетыкі ЭЗ. Рашэньне Эўрапейскай Рады тычылася павышэньня долі ўзнаўляльных крыніцаў энэргіі ў структуры эўрапейскай энэргетыкі, скарачэньня выкідаў парніковых газаў у атмасфэру і павышэньня энэргаэфэктыўнасьці электрапрыбораў, транспартных сродкаў, архітэктурных збудаваньняў і электрагенэратараў у ЭЗ.

Згодна з рашэньнем Эўрапейскай Рады, у 2020 г. доля ўзнаўляльных крыніцаў энэргіі (ветру, вады, сонца і біяпаліва) у структуры энэргетыкі ЭЗ павінна скласьці 20%. Выкіды СО2 у атмасфэру павінны скараціцца на 20% ад узроўню 1990 г. Таксама на 20% павінен павысіцца ўзровень энэргаэфэктыўнасьці новых тэхналёгіяў.

Рашэньні Эўрапейскай Рады грунтуюцца на Інтэграваным пакеце мераў па рэфармаваньні энэргетычнай галіны ЭЗ, прадстаўленым Эўрапейскай Камісіяй 10 студзеня.

У трэцім квартале 2007 г. Камісія выступіць з канкрэтнымі прапановамі, што датычаць схемаў выкананьня стратэгіі кожнай дзяржавай ЭЗ.

Пераклад Вольг і Данішэвіч з www. nn. by

Крыніца і здымак з

www. EU 2007. de