Поўны Cпіс птушак Свету падрыхтаваны BirdLife International

Навіна арганізацыі ад 1 чэрвеня 2007 года

Пасля некалькіх год “даспявання”, сёння нарэшце з’явілася першая версія Поўнага Cпісу птушак Свету, падрыхтаванага BirdLife International (The BirdLife checklist of the birds of the world). Сколькі ж відаў птушак жывуць зараз на Зямлі паводле новага Спісу? Адказ – 9 956 (і яшчэ 155 “магчымых відаў” пакуль знаходзяцца па-за Спісам і іх статус павінен больш дэталёва абмяркоўвацца).

Гэта значная падзея, таму што падводзіць добра абгрунтаваную рысу пад тым, што мы маем на ўвазе пад паняццем “від” і прадстаўляе падрабязна абгрунтаваны спіс тых птушак, якіх мы лічым “сапраўды” відамі, і тых, якіх не. Некалькі мэтаў нашай працы злучаюць дзеянні па папярэджанню знікненяў відаў, паляпшэнню іх статусу, вызначэнню і зберажэнню сеці ТВП (тэрыторый, важных для птушак = ІВА) каб захаваць вызначаныя прыярытэтнымі віды птушак.

У Свеце, дзе існуе шмат разыходжанняў наконт вызначэння канкрэтнага рангу таксону, які займае тая ці іншая птушка, каб гарантаваць увагу да аховы і прыцягненне рэсурсаў, вельмі важна, што мы можам вызначыць і абгрунтаваць нашу пазыцыю.

Каб падрыхтаваць Спіс, спатрэбілася шматгадовая праца вялікага калектыву навукоўцаў, каб: праверыць і параўнаць “скуркі” птушак у шматлікіх музеях па ўсяму Свету; праверыць і ўдакладніць узаемаадносіны паміж таксонамі рознага рангу; прааналізаваць орніталагічную літаратуру па гэтым пытанням; закаталагізаваць спасылкі на навуковыя публікацыі; знайсці найлепшую лічбавую форму для Спісу і тэхнічна забяспечыць яго; прааналізаваць сінанімічныя назвы, якія існуюць для многіх відаў птушак; і, нарэшце, зрабіць сам Спіс і каментары да яго – усім гэтым людзям я шчыра дзякую за гэтую вялізарную працу.
Мы вырашылі выпусціць Спіс у лічбавым варыянце без шматлікіх папярэдніх публікацый “на паперы” найперш таму, што мы ведаем, што ён яшчэ далёкі ад дасканаласці, і спадзяемся пачуць шмат крытычных заўваг (якія будуць непазбежнымі, незалежна ад таго, якой плыні ў таксанаміі мы прытрымліваемся). Менавіта таму гэтая версія атрымала назву “ version 0”, каб мець магчымасць атрымаць камэнтары і заўвагі і падрыхтаваць наступную “ version 1” ужо вясною 2008г.

Спіс даступны як файл Excel тут:
www. birdlife. org/ datazone/ species/ downloads/ BirdLife_ Checklist_ Version_0. xls
Асноўныя каментары з тлумачэннямі наконт мэтаў, таксанамічнай і наменклатурнай базы Спісу можна паглядзець тут:
www. birdlife. org/ datazone/ species/ taxonomy. html

Д-р Ст’юарт Батчарт,

Каардынатар Глабальнай Відавой праграмы,
Dr Stuart Butchart ,
Global Species Programme Coordinator ,
BirdLife International ,
Wellbrook Court , Girton Road ,
Cambridge ,
CB 3 0 NA , UK
Email : stuart . butchart @ birdlife . org

З невялікімі скаротамі пераклаў Дзьмітры Вінчэўскі (АПБ)

На здымку Дзьмітрыя Вінчэўскага: партрэт заснавальніка сучаснай таксаноміі Карла Ліннэя размешчаны на швэдзкіх грошах.