Адбыўся пазачарговы з'езд АПБ

Навіна арганізацыі ад 17 ліпеня 2007 года

14 ліпеня адбыўся пазачарговы з’езд АПБ. На з’ездзе прысутнічаў 21 чалавек, усе сябры АПБ з правам голасу, таму з’езд лічыцца правамоцным. Асноўным пытаннем было абмеркаванне змяненняў у Статуце ГА "Ахова птушак Бацькаўшчыны".

Па выніках галасавання ў Статут былі ўнесены некаторыя змяненні. Даданы пункт, што АПБ можа ажыццяўляць выдавецкую і паліграфічную дзейнасць, унесены выданні арганізацыі з тлумачэннем іх мэтаў (бюлетэні "Ахова птушак Бацькаўшчыны", "Кулён", "Вялікі кулён", "Баталён", "Размах крылаў", "Кабец", часопісы "Птушкі і мы" і " Subbuteo "). Даданы пункт аб рэдакцыйнай калегіі выданняў. Скарочаны пункт аб Клубах.

Новы Статут Вы зможаце паглядзець на нашым сайце пасля яго рэгістрацыі Міністэрствам юстыцыі Рэспублікі Беларусь.

Сообщить об опечатке

Текст, который будет отправлен нашим редакторам: