Адзіны ў свеце!

Навіна арганізацыі ад 8 жніўня 2007 года

Існуючы Рэспубліканскі заказнік “Прыбужскае Палессе” і ўтвораны на яго аснове біясферны рэзерват з той самай назвай неўзабаве можа значна павысіць свой статус. Рэспубліканскі ландшафтны заказнік “Прыбужскае Палессе” утвораны ў 2003 годзе Пастановай Савета Міністраў Рэспублікі Беларусь ў паўднёвай частцы Брэсцкага района на плошчы 7950 га. Ў тым жа годзе на базе заказніка рашэннем Брэсцкага аблвыканкама ўтвораны рэзерват “Прыбужскае Палессе” на плошчы 48024 га. У 2004 годзе рэзерват “Прыбужскае Палессе” атрымаў афіцыйны статус біясфернага рэзервата ЮНЕСКА.

Біясферны рэзерват «Прыбужскае Палессе» з’яўляецца беларускай часткай патэнцыйнага міжнароднага трансгранічнага біясфернага рэзервата “Заходняе Палессе”, які плануецца на мяжы трох краін: Беларусь, Україна і Польшча.

Колькі месяцаў таму кожны з бакоў падрыхтаваў і накіраваў у ЮНЕСКА намінацыйную заяўку на ўхваленне статусу ТБР (Трансгранічны біясферны рэзерват) для гэтай тэррыторыі. І вось нарэшце Сусьветны Савет па біясферным рэзерватам ухваліў прадстаўленую заяўку і рэкамендаваў Бюро МАБ (Міжнародная праграма ЮНЕСКА “Чалавек і біясфера”) прыняць рашэнне аб прысваенне статуса ТБР “Заходняму Палессю”. Канчатковае рашэнне будзе прынята ў верасні гэтага году.

На раўнінных тэрыторыях гэта адзіная ў свеце трохбаковая (утвараемая пры ўдзеле трох краін) ахоўваемая тэрыторыя такога рангу.

Дарэчы, АПБ праз Заходне-Палескае рэгіянальнае аддзяленне з’яўляецца адзіным на Беларусі грамадскім аб’яднаннем, якое прымала ўдзел у падрыхтоўцы заяўкі.

Андрэй Абрамчук, Заходне-Палескае рэгіянальнае аддзяленне АПБ.

На здымку Георгія Гулеўскага (АПБ) — вялікія белыя чаплі — адны з самых эфектных жыхароў рэзервату.