Міжнародны палявы летнік “Актыўная ахова і назіранне за совамі” адабраў ўдзельнікаў

Навіна арганізацыі ад 14 верасня 2007 года

Арганізатары 25 верасня паведамілі, што атрымалі больш заявак на ўдзел у летніку, чым прадугледжвалася месцаў. Перапрашаем за магчымыя непаразуменні! З 12 па 14 кастрычніка ў ваколіцах в. Гусак Маларыцкага р-на Брэсцкай вобласці адбудзецца летнік у рамках праекту “Прырода аб’ядноўвае людзей”. Пад час летніка прадугледжваюцца ня толькі назіранні за птушкамі, але таксама начныя ўлікі соў і штодзенная 1-3 гадзінная праца па вырабу штучных гнездавых скрынь для розных відаў соў, знаёмства з айчынным і замежным вопытам па вывучэнню начных драпежных птушак, баўленне часу з сябрамі АПБ з усёй Беларусі, а таксама і сябрамі з замежжа. Арганізуеца летнік Заходне-Палескім рэгіянальным аддзяленнем АПБ і Брэсцкай абласной грамадскай экалагічнай арганізацыяй “Зялёны край”, пры падтрымцы Праграмы малых грантаў ГЭФ.

Для таго, каб узяць удзел у палявым летніку, трэба даслаць асабістую анкету з наступнымі дадзенымі:

1. Імя і прозьвішча.

2. Год народзінаў.

3. Колькі відаў птушак вы бачылі ў Беларусі?

4. У якіх летніках АПБ і калі вы прымалі ўдзел?

5. Што вам у іх спадабалася/не спадабалася?

6. Што вы чакаеце ад гэтага летніка?

7. Кантактны тэлефон або адрас электроннай пошты (калі часта яе праглядаеце)

Анкету дашліце Вадзіму Пракапчуку на адрас: peregrinus-@ mail. ru

або паведаміце яму свае дадзеныя па мабільнаму тэлефону

+375 296 7 95 571 , +375 297 295 571

Апошні тэрмін атрымання Вашай анкеты – 19.00 у нядзелю, 7 кастрычніка.

Праезд, ўдзел і харчаванне у летніку бясплатныя. Умовы праезду будуць паведамлены пасля атрымання вашай анкеты.

Размяшчэньне ўдзельнікаў плануецца ў цагельнай базе адпачынку. З сабой неабходна мець уласны посуд, улюбёныя прысмакі, асабістыя медыкаменты, бінокль, ліхтарык, палявое адзеньне і абутак (магчыма інтэграцыйная сустрэча па футболу).

Даслаўшыя анкеты першымі будуць мець перавагу, калі колькасьць жадаючых будзе большаю за запланаваную.

Летнік адбудзецца пры падтрымцы Праграмы малых грантаў ГЭФ.

Разам, для птушак і людзей!