Восеньскія дні назіранняў за птушкамі 2007

Навіна арганізацыі ад 24 верасня 2007 года

Грамадская арганізацыя "Ахова птушак Бацькаўшчыны" запрашае прыняць удзел у "Восеньскіх днях назіранняў за птушкамі 2007". Як і ў мінулыя гады, у гэтыя ж дні будуць праходзіць назіранні за птушкамі па ўсёй Еўропе. Каб прыняць удзел у найбуйнейшай акцыі на кантыненце, Вам неабходна ў суботу-нядзелю 6-7 кастрычніка паназіраць некалькі гадзін за птушкамі ў прыродзе. Для таго, каб Вашы назіранні трапілі ў Глабальны спіс відаў птушак (якіх адзначылі ў гэтыя дні ва ўсім Свеце), патэлефануйце ў офіс АПБ 7 кастрычніка да 16.00 і паведаміце вынікі сваіх назіранняў.Тэлефоны: 223-06-13 (МТС), 101-68-87 (Velcom) Анкету назіранняў і падрабязны відавы спіс пажадана даслаць поштай на наступны дзень.
У анкеце пазначце:
1. Назіральнік (прозвішча, імя, імя па бацьку).
2. Кіраўнік группы (пры группавым назіранні).
3. Калі Вы праводзілі назіранні.
4. Дзе Вы праводзілі назіранні.
5. Колькі чалавек назіралі за птушкамі разам з Вамі.
6. Колькі гадоў Вы прымаеце ўдзел у восеньскіх назіраннях.
7. Колькі чалавек з Вашай групы пажадалі далучыцца да сяброў АПБ (анкеты будуць дасланы на адрас кіраўніка групы).
7. Вашы кантактныя тэлефоны і паштовы адрас.
8. Спіс птушак, якіх Вы назіралі 6-7 кастрычніка 2007г. (віды і колькасць асобін).

Увага!
Кожны кіраўнік арганізаванай групы (з двух і болей чалавек), які патэлефануе і дашле анкету ў АПБ, прыме ўдзел у розыгрышы палявога бінокля.