Фармат спаборніцтваў: 6 гадзін раніцы – старт для каманд. Што трэба рабіць і як выйграць? Мэта каманд з 4-х чалавек – убачыць на працягу 12 гадзін больш відаў птушак, чым іншыя каманды. Можна карыстацца любымі транспартнымі сродкамі.

Хто можа ўдзельнічаць? Усе жадаючыя, у тым ліку жыхары іншых краін. Два прадстаўніка каманды павінны быць старэйшыя за 18 гадоў.

Як зарэгістраваць каманду? Дашліце заяўку ў Сакратарыят АПБ да 18.00 2 верасня на info@ptushki.org.

Што пазначыць пры рэгістрацыі каманды?

• Назва каманды 
• Склад каманды (4 чалавека, узрост як мінімум 2-х павінны быць больш за 18 год. пазначце капітана каманды)
• Месца старта
• Нумар тэлефона для сувязі 

Не адкладайце падачу заяўкі на апошнія дні: запрашайце сяброў і плануйце выходныя зараз! 

У мінулым годзе пад час 12-гадзінных спаборніцтваў каманда «Цмокі» убачыла 112 відаў птушак і стала пераможцам. 

Цікава, што сучасны рэкорд для 12-гадзінных спаборніцтваў у Беларусі — 120 відаў.  У 2014 годзе у спіс каманды "Арлы і стрынаткі" патрапілі 120 відаў птушак. 

Ці будзе пастаўлены новы рэкорд у гэтым годзе? Ці зможам мы адшукаць магію лічбаў Чэмпіяната, як у мінулым годзе? Ці пойдуць каманды старымі маршрутамі? І канешне хто стане самым спрытным? Хутка даведаемся адказы на гэтыя і іншыя пытанні!

А пакуль – чакаем вашых заявак! Birdrace – унікальныя спаборніцтвы: паспейце далучыцца!  

Даведка:

• Пераможцы і ўдзельнікі Чэмпіяната 2015 — тут. 
• Агляд Чэмпіяната 2015 — тут. 
• Спампаваць правілы Чэмпіяната па спартыўнай арніталогіі (правілы ад 12 жніўня 2016 г.)