Новы «стары» праект АПБ для развіцця сеткі захавальнікаў

Навіна арганізацыі ад 20 кастрычніка 2009 года

З 16 па18 кастрычніка адбылася стартавая сустрэча для новага праекта “Аховы птушак Бацькаўшчыны”, мэта якога далейшае развіццё сеткі захавальнікаў ТВП. Выконваць яго будзе АПБ разам з Літоўскім і Шведскім арніталагічнымі таварыствамі (LOD і SOF) пры фінансавай падтрымцы Nordic Council of Ministers. Нагадаем, што пачатак быў пакладзены сумесным праектам АПБ і SOF, для ТВП “Балота Званец”, “Балота Ельня”, “Налібоцкая пушча” і “Гарадзенская Свіслач”.

Новы “стары” праект АПБ для развіцця сеткі захавальнікаў

З 16 па18 кастрычніка адбылася стартавая сустрэча для новага праекта “Аховы птушак Бацькаўшчыны”, мэта якога далейшае развіццё сеткі захавальнікаў ТВП. Выконваць яго будзе АПБ разам з Літоўскім і Шведскім арніталагічнымі таварыствамі (LOD і SOF) пры фінансавай падтрымцы Nordic Council of Ministers. Нагадаем, што пачатак быў пакладзены сумесным праектам АПБ і SOF, для ТВП “Балота Званец”, “Балота Ельня”, “Налібоцкая пушча” і “Гарадзенская Свіслач”.

Першая сустрэча адбылася ў Літве, у вядомым арнітолагам месцы –Ventes ragas, дзе размешчана літоўская станцыя кальцавання птушак. Знаходзіцца яна на беразе Куршскага заліва Балтыйскага мора і ўражвае як вынікамі сваей працы за год тут кальцуюць 50-70 тысяч птушак! так і памерамі сетак для іх адлову, нездарма яны занесены ў сусветную кнігу рэкордаў Гінэса, як самыя вялікія ў свеце.

У сустрэчы прынялі ўдзел лідэры літоўскіх суполак захавальнікаў трох ТВП, дзе будзе адбывацца праект. З Шведскага боку ўдзельнічалі прадстаўнікі аднаго з яго паўночных аддзяленняў: Västerbottens Ornitologiska Förening, якое будзе прадстаўніком SOF у праекце. Ад АПБ у ей прынялі ўдзел Яўген Лабанаў, Мікалай Чэркас і Вольга Лукшыц.

Галоўнымі мэтамі сустрэчы было знаёмства ўдзельнікаў паміж сабой, прэзентацыя праекта і абмеркаванне прац для яго выканання. Літва і Беларусь пазнаёмілі ўсіх з тэрыторыямі, якія будуць прымаць удзел у праекце. З боку Беларусі гэта ТВП “Сэрвач” “Балота Ельня”, і “Налібоцкая пушча”, праца на апошніх двух была распачата год таму, на іх былі створаны сеткі захавальнікаў, а ўдзел у наступным праекце дазволіць падрыхтаваць людзей да правядзення сапраўднага маніторынгу гэтых тэрыторый. Што датычыцца ТВП “Сэрвач”, то на ёй праект распачнецца стварэнням сеткі захавальнікаў.

З боку Літвы будуць задзейнічаны ТВП возера “Kretuonas”, забагненная торфараспрацоўка “Novaraistis” і лясны масіў “Biržų giria”.

Акрамя абмеркавання праекта ўдзельнікі змаглі бліжэй пазнаёміцца з птушкамі, пад час наведвання станцыі кальцавання і некаторых ТВП. Беларускіх прадстаўнікоў асабліва ўразіла дэльта і яго пойма Нёмана, якая пад час паводкі цалкам заліваецца вадой. На шляху праз усю Літву цікава было паглядзець, што сабой уяўляе рыбаход для ласося.

Галоўны вынік сустрэчы – добры пачатак праекта, які будзе цікавы ў выкананні і паспрыяе ўмацаванню сяброўства з нашымі суседзямі і захаванню каштоўных пріродных тэрыторый.

Вольга Лукшыц, каардынатар праекта

Падчас абмеркаванняў

Удзельнікі сустрэчы

Сетка для адлова птушак на станцыі кальцавання птушак Ventes ragas

Рыбаход

Удзельнікі сустрэчы на станцыі кальцавання птушак Ventes ragas

Адлоўленыя птушкі "чакаюць" свае кольцы

Сіняя сініца