Адбыўся семінар-трэнінг для захавальнікаў ТВП «Сэрвач»

Навіна арганізацыі ад 14 мая 2010 года

Семінар-трэнінг для захавальнікаў ТВП “Сэрвач” адбыўся ў пятніцу 14 траўня ў в. Дзеркаўшчына Глыбоцкага раёна. Нягледзячы на не надта працяглы час, семінар быў насычаны карыснай інфармацыяй для захавальнікаў, абмеркаваннямі.

Удзельнікаў пазнаёмілі з асноўнымі падзеямі, якія адбываліся і плануюцца на працягу праекта на ТВП “Сэрвач”, “Балота Ельня”, “Налібоцкая пушча”. Была прэзентаванна толькі створанная группа для электроннай паштовай рассылкі IBAcaretakerBLR@googlegroups.com , якая павінна паспрыяць больш шчыльнаму кантакту захавальнікаў розных ТВП паміж сабой, абмену інфармацыяй, а таксама аператыўнаму рэагаванню на ўзнікаючыя для ТВП пагрозы.

Важным і цікавым аказалася прэзентацыя юрыдычнанай часткі метадычнага дапаможніка для захавальнікаў, рыхтуемага па праекту. Аўтар раздзела Р. Фёдараў даступна данёс, якія адрозненні паміж рознымі формамі ААПТ, хто такія грамадскія інспектары аховы прыроды, якія ў іх правы і абавязкі. Захавальнікі паўдзельнічалі ў абмеркаванні, якія існуюць адмоўныя аргументы і што рабіць, у вападку розных сітуацый, якія могуць нанесці шкоду ТВП. Напрыклад – будоўля аўтамабільнай дарогі праз тэрыторыю.
Семінар прайшоў вельмі ўдала і карысна, як для ўдзельнікаў, так і для арганізатараў.

Вольга Лукшыц