NRM таксама за вясну бяз стрэлаў!

Навіна арганізацыі ад 4 красавіка 2008 года

Рок-каралі Беларусі, ўдзельнікі славутага гурта NRM, падтрымалі кампанію за забарону веснавога палявання на птушак. Пасля акустычнага канцэрта 3 красавіка 2008 года ў мінскім клубе «Графіці» Піт Паўлаў, Алезіс Дземідовіч і Юрась Ляўкоў паставілі свае подпісы на аркушы з заклікам супраць вясновага забойства гусей і качак у нашай краіне. Лявон Вольскі разам з музыкамі свайго іншага гурта “Крабамбуля” зрабіў гэта яшчэ ў лютым: Зоркі беларускага року — за вясну без стрэлаў!

З усіх краін Еўропы толькі у Беларусі і некаторых абласцях Расіі можна страляць гусей і качак вясной, у перыяд, калі яны вяртаюцца на свае гнездавыя тэрыторыі і прыступаюць да размнажэння. Нават ў савецкія часы вясновае паляванне было браканьерствам.

Калі ж параўнаць тэрміны палявання, дык тут Беларусь выглядае сярэдневечнай краінай нават у параўнанні з усходняй суседкай – ў нас можна страляць птушак амаль 60 дзён супраць 2-10 дзён у розных рэгіёнах Расіі.

Абаронцы дзікіх птушак ўжо сабралі больш 10 000 подпісаў жыхароў нашай краіны за тое, каб птушкі ўвесну ў Беларусі чулі сябе бяспечна.

Збор подпісаў працягваецца – будзьма разам для птушак і людзей!

АПБ прапануе сапраўдным паляўнічым не даставаць свае стрэльбы ўвесну.
За вясну бяз стрэлаў!

03-04-2008

Аляксандр Вінчэўск і , АПБ, Мінск. Здымак з канцэрту NRM аўтара.

Артыкул па тэме:

Зоркі беларускага року — за вясну без стрэлаў!