Конкурсы “Жывой вясны” – удзельнічай да 10 чэрвеня!

Апошнія навіны,Навіна арганізацыі ад 1 чэрвеня 2018 года

Усе птушкі “Жывой вясны” ўжо прыляцелі. Самая апошняя, як звычайна, шчурка-пчалаедка – рэдкая птушка з цікавай афарбоўкай. Колькіх вястунняў вясны табе ўжо ўдалося пабачыць?

Калі не ўсіх пецярых, то самы час праявіць пільнасць і выправіцца на прагулку з фотаапаратам. Мы працягнулі конкурсы “Жывой вясны” да 10 чэрвеня! Да гэтай жа даты можна заносіць свае назіранні.

Як паўдзельнічаць у конкурсе “Найлепшае фота “Жывой вясны”?

Дашлі свае фота з першымі назіраннямі птушак на сайт праз форму «дадаць назіранне» ці адпраўляй на паштовую скрыню springalive@ptushki.org з пазнакай «конкурс».

На конкурс прымаюцца ўласныя  фота з выявамі птушкі (-ак)  “Жывой Вясны”  (белы бусел, вясковая ластаўка, звычайная зязюля, чорны свіргуль, шчурка-пчалаедка).

Аўтарскія правы:

Дасылаючы малюнкі на гэты конкурс, удзельнікі пагаджаюцца, што BirdLife International і яе нацыянальныя партнёры маюць права публікаваць у любым фармаце работы, прадстаўленыя на конкурс.

Найлепшыя працы з’явяцца на сайце «Аховы птушак Бацькаўшчыны», а 3 пераможцы атрымаюць каштоўныя прызы!

А ты ўжо бачыў сёлета шчурак-пчалаедак? Фота Дзяніса Кіцеля

Хочаш дапамагчы “Жывой вясне” прывабіць больш удзельнікаў? Удзельнічай у конкурсе “Найлепшы слоган “Жывой вясны”!

Прыдумай рэкламны лозунг, які адлюстроўвае характар кампаніі “Жывая вясна” ў пазітыўнай і сціснутай форме.  Які слоган, на тваю думку, заахвоціць людзей да ўдзелу ў кампаніі “Жывая вясна”?

Дашлі свой слоган на скрыню springalive@ptushki.org з пазнакай «Слоган “Жывой вясны».

Увага: ад аднаго ўдзельніка прымаецца толькі адзін слоган!

Хто можа ўдзельнічаць
Удзельнік конкурса павінен быць не старэйшы за 18 гадоў на момант адпраўкі слогана і павінен зарэгістраваць свае першыя назіранні птушак “Жывой вясны” на сайце www.springalive.net альбо напісаць у адмысловых суполках сацсетак  vk.com/springalive і www.facebook.com/Springalive.Belarus 

Найлепшыя слоганы мы апублікуем на сайце «Аховы птушак Бацькаўшчыны»,  а 3 пераможцы атрымаюць каштоўныя прызы!

Пытанні наконт удзелу ў конкурсах ці ўдзелу ў кампаніі “Жывая вясна” ты заўсёды можаш даслаць  каардынатару кампаніі “Жывая вясна” ў Беларусі – Наталлі Саракавік (sarakavik@ptushki.org) ці задаць па тэлефоне +37529 223-06-13.