Конкурс спантаннага малюнка прайшоў 5 чэрвеня па ўсёй тэрыторыі Беларусі

Навіна арганізацыі ад 9 чэрвеня 2013 года

Адначасова школьнікі краіны з усіх вобласцяў спрабавалі паказаць, як яны бачаць птушку года 2013 – Удода. Сімвалічна, што конкурс “Як вы бачыце Ўдода” праходзіў у дзень навакольнага асяроддзя.

Акцыя праходзіла толькі дзве гадзіны. За гэты час вучні самых розных узростаў павінны былі намаляваць свайго асабістага Удода. Пры гэтым удзельнікі маглі выкарыстоўваць тканіну, папер ці звычайны асфальт.

Конкурс “Як вы бачыце Ўдода” аб’яднаў навучэнцаў з розных класаў, не зважаючы на слабыя ці моцныя здольнасці ў маляванні.Напрыклад, у Гродненскай гімназіі №10 актыўна ўдзельнічалі першакласнікі шасці ці сямі гадоў. Усяго іх было 14 чалавек.  Самае галоўнае, што ўсе ўдзельнікі атрымалі вялікую асалоду ад малявання птушак. Асабліва на вуліцы, пад сонечным небам.

У акцыі прынялі ўдзел больш за 350 дзяцей. Іх работы ўражваюць колерамі, дакладнасцю і формамі выканання. Удзельнікі і пераможцы конкурса атрымаюць каштоўныя і памятныя прызы ад АПБ.

Дзякуем усім за ўдзел! Было сапраўды цікава пабачыць дзіцячы погляд на птушку года.