Метэарыты маглі занесці на Зямлю асновы жыцця

Сусветная навіна ад 14 сакавіка 2008 года

Навукоўцы з інстытуту Карнегі (Carnegie Institution) апублікавалі (1) вынікі аналізу метэарытаў, знойдзеных пад час экспедыцыі ў Антарктыду ў 1995 годзе. Пры аналізе двух метэарытаў была зарэгістраваная канцэнтрацыя амінакіслот, якая ў дзесяць разоў перавышае канцэнтрацыю, якую калі-небудзь атрымоўвалася выявіць у складзе метэарытаў.

Амінакіслоты ўяўляюць сабою будаўнічыя блокі бялкоў і, разам з нуклеінавымі кіслотамі, з`яўляюцца асновай жыцця на Зямлі. Метэарыты, даследаваныя навукоўцамі, адносяцца да вельмі старажытных ( CR chondrites ). Яны ўтварыліся яшчэ ў працэсе фармавання Сонечнай сістэмы. Наяўнасць высокай канцэнтрацыі амінакіслот пацвярджае гіпотэзу, што, магчыма, аснова жыцця развівалася яшчэ ў протапланетным воблаку або патрапіла на Зямлю, здзейсніўшы міжзор н ае падарожжа.

(1) Z. Martins, C. M. O’D. Alexander, G. E.Orzechowska, M. L. Fogel, and P. Ehrenfreund. Indigenous amino acids in primitive CR meteorites. Meteoritics and Planetary Science. Available for free download at astro-ph. ( http://arxiv.org/abs/0803.0743v2 )

13-03-2008

Крыніца: www . eurekalert . org і www . svobodanews . ru

Малюнак унутранага змесціва метэарыту з www .presolar . wustl . edu

Артыкул па тэме:

Где была начальная точка развития жизни на Земле?